Śviet

Piaskoŭ nazvaŭ sastarełym apublikavany WSJ prajekt miru z Ukrainaj

«Pieramoŭny praces byŭ spynieny pa rašeńni ŭkrainskaha boku pa kamandzie, atrymanaj ź Vialikabrytanii», — zajaviŭ pres-sakratar Pucina.

Padčas adnaho z raŭndaŭ pieramovaŭ u sakaviku 2022 hoda

Dźmitryj Piaskoŭ nazvaŭ apublikavany WSJ prajekt rasijska-ŭkrainskaha mirnaha pahadnieńnia sastarełym, bo paźniej pa vynikach «refierendumaŭ» u skład Rasii ŭvajšli anieksavanyja DNR, ŁNR, Chiersonskaja i Zaparožskaja vobłaści, piša RBK.

U sakaviku 2022 hoda byli adny ŭmovy zaviaršeńnia kanfliktu na Ukrainie, a siońnia inšyja i inšy jurydyčny status terytoryj, jakija stali rasiejskimi rehijonami, zajaviŭ pres-sakratar prezidenta Dźmitryj Piaskoŭ u adkaz na publikacyju The Wall Street Journal ab umovach mirnaha rasijska-ŭkrainskaha pahadnieńnia ŭ krasaviku 2022 hoda, jakija mieli na ŭvazie, što Krym zastaŭsia za Rasijaj, a status DNR i ŁNR byŭ by vyznačany padčas asabistych pieramovaŭ. Pry hetym Chiersonskaja i Zaparožskaja vobłaści nie zhadvalisia.

«Heta zapisana ŭ Kanstytucyi. U cełym tak, sapraŭdy, byŭ uzhodnieny tekst. Ale my nie chacieli b jaho publikavać. Pieramoŭny praces byŭ spynieny pa rašeńni ŭkrainskaha boku pa kamandzie, atrymanaj ź Vialikabrytanii», — skazaŭ Piaskoŭ.

Raniej WSJ raspaviała pra biespaśpiachovyja mirnyja pieramovy sa spasyłkaj na poŭny 17-staronkavy dakumient, jaki datujecca 15 krasavika 2022 hoda i tak i nie byŭ apublikavany. Vydańnie pieradaje, što ŭdzielniki pieramovaŭ pahadzilisia, kab Krym de-fakta zastaŭsia pad kantrolem Rasii, a Ukraina stała «pastajanna niejtralnaj dziaržavaj, jakaja nie ŭdzielničaje ŭ vajennych błokach», jakoj zabaroniena adnaŭlać svaje ŭzbrojenyja siły pry padtrymcy Zachadu.

U prajekcie damovy havorycca, što Ukrainie, choć i budzie dazvolena damahacca siabroŭstva ŭ ES, nie budzie dazvolena ŭstupać u vajennyja aljansy, takija jak NATO. Zabaraniałasia znachodžańnie zamiežnaj zbroi na terytoryi krainy, a ŭzbrojenyja siły Ukrainy pavinny być skaročanyja da peŭnaha pamieru.

Vykanańnie damovy, pavodle infarmacyi vydańnia, pavinna było harantavacca zamiežnymi dziaržavami, uklučajučy ZŠA, Vialikabrytaniju, Kitaj, Francyju i Rasiju. Na hetyja krainy była b uskładzienaja adkaznaść za abaronu niejtralitetu Ukrainy ŭ vypadku parušeńnia damovy. Ale pakul damova zastajecca ŭ sile, ad harantaŭ spatrebicca «skasavać mižnarodnyja damovy i pahadnieńni, niesumiaščalnyja z pastajannym niejtralitetam Ukrainy», uklučajučy lubyja abiacańni dvuchbakovaj vajskovaj dapamohi. Mižnarodnyja harantyi biaśpieki pry hetym nie raspaŭsiudžvalisia b na Krym i Sievastopal.

Kamientary

Ciapier čytajuć

Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim3

Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim

Usie naviny →
Usie naviny

Minskim nastaŭnikam i vychavacielkam dziciačych sadkoŭ prapanujuć niedarahija kvatery ŭ Smalavičach

Hirkin: Vajna na źniasileńnie źniasiliła samu Rasiju, budzie revalucyja37

Daŭni pasiarednik kardynał Hudžeroci pryjedzie ŭ Biełaruś na nastupnym tydni1

«Spačatku dapamahaŭ siabram za šakaładki». Były supracoŭnik «Biełsata» raspačaŭ svoj nievialiki biznes u Varšavie17

Biełarusy znachodziać vielizarnyja jadomyja hryby. Ale zrazać ich, akazvajecca, nielha8

Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie18

Prezident Litvy: Zadača Cichanoŭskaj i jaje kamandy — acanić, chočuć jany zastacca ŭ Litvie ci vybrać inšaje miesca37

Minčuka, jaki źbivaŭ staršyniu sadovaha tavarystva i adsiek joj palcy, asudzili na 18 hadoŭ8

Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?15

bolš čytanych navin
bolš łajkanych navin

Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim3

Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim

Hałoŭnaje
Usie naviny →

Zaŭvaha:

 

 

 

 

Zakryć Paviedamić