«Перамоўны працэс быў спынены па рашэнні ўкраінскага боку па камандзе, атрыманай з Вялікабрытаніі», — заявіў прэс-сакратар Пуціна.
Дзмітрый Пяскоў назваў апублікаваны WSJ праект расійска-ўкраінскага мірнага пагаднення састарэлым, бо пазней па выніках «рэферэндумаў» у склад Расіі ўвайшлі анексаваныя ДНР, ЛНР, Херсонская і Запарожская вобласці, піша РБК.
У сакавіку 2022 года былі адны ўмовы завяршэння канфлікту на Украіне, а сёння іншыя і іншы юрыдычны статус тэрыторый, якія сталі расейскімі рэгіёнамі, заявіў прэс-сакратар прэзідэнта Дзмітрый Пяскоў у адказ на публікацыю The Wall Street Journal аб умовах мірнага расійска-ўкраінскага пагаднення ў красавіку 2022 года, якія мелі на ўвазе, што Крым застаўся за Расіяй, а статус ДНР і ЛНР быў бы вызначаны падчас асабістых перамоваў. Пры гэтым Херсонская і Запарожская вобласці не згадваліся.
«Гэта запісана ў Канстытуцыі. У цэлым так, сапраўды, быў узгоднены тэкст. Але мы не хацелі б яго публікаваць. Перамоўны працэс быў спынены па рашэнні ўкраінскага боку па камандзе, атрыманай з Вялікабрытаніі», — сказаў Пяскоў.
Раней WSJ распавяла пра беспаспяховыя мірныя перамовы са спасылкай на поўны 17-старонкавы дакумент, які датуецца 15 красавіка 2022 года і так і не быў апублікаваны. Выданне перадае, што ўдзельнікі перамоваў пагадзіліся, каб Крым дэ-факта застаўся пад кантролем Расіі, а Украіна стала «пастаянна нейтральнай дзяржавай, якая не ўдзельнічае ў ваенных блоках», якой забаронена аднаўляць свае ўзброеныя сілы пры падтрымцы Захаду.
У праекце дамовы гаворыцца, што Украіне, хоць і будзе дазволена дамагацца сяброўства ў ЕС, не будзе дазволена ўступаць у ваенныя альянсы, такія як NATO. Забаранялася знаходжанне замежнай зброі на тэрыторыі краіны, а ўзброеныя сілы Украіны павінны быць скарочаныя да пэўнага памеру.
Выкананне дамовы, паводле інфармацыі выдання, павінна было гарантавацца замежнымі дзяржавамі, уключаючы ЗША, Вялікабрытанію, Кітай, Францыю і Расію. На гэтыя краіны была б ускладзеная адказнасць за абарону нейтралітэту Украіны ў выпадку парушэння дамовы. Але пакуль дамова застаецца ў сіле, ад гарантаў спатрэбіцца «скасаваць міжнародныя дамовы і пагадненні, несумяшчальныя з пастаянным нейтралітэтам Украіны», уключаючы любыя абяцанні двухбаковай вайсковай дапамогі. Міжнародныя гарантыі бяспекі пры гэтым не распаўсюджваліся б на Крым і Севастопаль.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы60
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары