Hramadstva55

Jakija histaryčnyja dakumienty pra Ukrainu Pucin pakazaŭ Karłsanu

«Małarosija» niekalki razoŭ prasiłasia «pad ruku» Maskvy ŭ XVII stahodździ, jak vynikaje ź listoŭ hietmana Vojska Zaparožskaha Bahdana Chmialnickaha caru Alaksieju Michajłaviču.

Fota: Gavriil Grigorov, Sputnik, Kremlin Pool Photo via AP

Kopii hetych histaryčnych dakumientaŭ byli pieradadzienyja Uładzimiram Pucinym padčas intervju amierykanskamu žurnalistu Takieru Karłsanu, TASS aznajomiŭsia ź ich poŭnym tekstam.

Dakumienty ŭjaŭlajuć ź siabie ŭ asnoŭnym pasłańni Bahdana Chmialnickaha caru Alaksieju Michajłaviču, jość taksama adzin zvarot Chmialnickaha da polskaha karala Jana Kazimira.

Tak, u liście da maskoŭskaha cara ad 8 červienia 1648 hoda hietman paviedamlaje ab pieramohach svajho vojska nad vojskam Rečy Paspalitaj na Žoŭtych Vodach i pad Korsuniem. Taksama jon piša pra śmierć polskaha karala Uładzisłava IV Vazy i pra toje, što kazaki marać ab zdabyćci dla ich ziamli takoha pravasłaŭnaha samadzieržca, jak car Alaksiej Michajłavič. Pry hetym Chmialnicki paviedamlaje pra hatoŭnaść Vojska Zaparožskaha vystupić na baku carskaj armii ŭ vypadku vajny Rečy Paspalitaj z Rasijskaj dziaržavaj.

8 lutaha 1649 hoda Chmialnicki piša Alaksieju Michajłaviču novy list, u jakim paviedamlaje, što ŭžo dvojčy pasyłaŭ u Maskvu listy z hancami, adnak adkazu nie atrymaŭ.

Jon piša, što ŭ hetych pasłańniach prasiŭ cara pačać vajennyja dziejańni suprać Rečy Paspalitaj nastupajučy ad Smalenska, kab tyja bolš nie mieli ŭłady nad chryścijanami i «nie pralivali kryvi našaj».

Sam Chmialnicki sa svajoj armijaj nanios by adnačasovy ŭdar z Padniaproŭja, kab — prosta źviartajecca jon da cara — «vaša carskaja Vialikaść byŭ nad nami hasudarom i carom pravasłaŭnym, a nie inšaviercy».

Kamientary5

  • Juzik
    28.02.2024
    I što z taho? Chmialnicki ŭ svaich interesach 375 hadoŭ tamu prasiŭ pratekcyi maskoŭskaha cara, a bolšaść nasielnictva sučasnaj Ukrainy choča žyć u niezaležnaj dziaržavie. 
  • Andruś
    28.02.2024
    Bahdanu Chmialnickamu treba było pierad tym jak listy ŭ "rasiju" (adkul jana ŭ 17-stahodździ?) pisać Times New Roman u naładach Vorda parehulavać, bo ŭ adnym liście adnym pamieram nabiraje, u inšym - užo inšym. Takija kopii listoŭ Chmialnickaha navat Karłsanu soramna było b pakazvać. Jość ža standart dziaržaŭnaj pierapiski. 
    Jak kazaŭ kaliści sapraŭdny spadar Karłsan (muššyna v połnom raśćviecie sił), "Smotri levieje. Znaješ, kto takije? O, brat! Et žuliki!". )) 
  • Chmielka
    28.02.2024
    Ale ž sučasnaja ŭłada Ŭkrainy nie žadaje pieraimienavać Chmielnicki.
    Jon jej daspadoby, jak i pucinu ?

Ciapier čytajuć

Što IT-biznes dumaje pra Hannu Rabavu, novuju kiraŭnicu Parka vysokich technałohij?6

Što IT-biznes dumaje pra Hannu Rabavu, novuju kiraŭnicu Parka vysokich technałohij?

Usie naviny →
Usie naviny

Cichanoŭskaja pavinšavała Naŭrockaha z abrańniem na post prezidenta Polščy22

Łukašenka palacieŭ u Kitaj. Heta sustreča pavinna była adbycca jašče ŭ studzieni3

Źjavilisia pieršyja spadarožnikavyja zdymki avijabazy «Biełaja», na jakich vidać nastupstvy ataki SBU2

Ściapan Puciła: U čas pratestaŭ nas čatyry čałavieki ŭ redakcyi było. I dźvieście paviedamleńniaŭ na chvilinu17

«Jany ŭsie siabravali suprać mianie». U Minsku sudziać mužčynu za łžyvyja danosy na kankurentaŭ1

Apublikavany poŭny tekst mirnych prapanoŭ Ukrainy, jakija Kijeŭ pradstavić na pieramovach u Stambule7

Ukraina pieradała svoj miemarandum Rasii na ŭkrainskaj i anhlijskaj movach4

Jak vyhladaje samaja niedarahaja kvatera ŭ sercy Minska. Usiaho za 295 tysiač dalaraŭ1

Padarožnik z Kazachstana raskazaŭ, jak praryvaŭsia praź miažu Biełarusi i ES. Atrymałasia tolki z treciaj sproby7

bolš čytanych navin
bolš łajkanych navin

Što IT-biznes dumaje pra Hannu Rabavu, novuju kiraŭnicu Parka vysokich technałohij?6

Što IT-biznes dumaje pra Hannu Rabavu, novuju kiraŭnicu Parka vysokich technałohij?

Hałoŭnaje
Usie naviny →

Zaŭvaha:

 

 

 

 

Zakryć Paviedamić