I jašče adzin admietny epizod ź intervju Pucina amierykanskamu žurnalistu Takieru Karłsanu.
Raskazvajučy pra padziei Druhoj Suśvietnaj vajny na terytoryi Ukrainy Pucin zbłytaŭ pieršaha kiraŭnika niezaležnaj Biełarusi Stanisłava Šuškieviča z kiraŭnikom Ukrainskaj paŭstanckaj armii Ramanam Šuchievičam. Zrešty Pucin časta robić takija ahavorki.
«Niamieckija vojski, navat vojski SS, jany samuju brudnuju pracu pa źniščeńni polskaha nasielnictva, habrejskaha nasielnictva addavali jak raz kałabarantam, jakija z Hitleram supracoŭničali. Adsiul hetaja žorstkaja raźnia polskaha, habrejskaha nasielnictva, ruskaha taksama. Na čale stajali asoby, jakija dobra viadomyja: Bandera, Šuškievič. Mienavita hetych ludziej zrabili nacyjanalnymi hierojami. Voś u čym prablema. I nam uvieś čas kažuć: nacyjanalizm i nieanacyzm jość i ŭ inšych krainach. Tak, parastki jość, ale my ž ich ciśniem, i ŭ inšych krainach ich cisnuć. A na Ukrainie — nie, na Ukrainie ź ich zrabili nacyjanalnych hierojaŭ, im pomniki ŭzvodziać, jany na ściahach, ich imiony kryčać natoŭpu, jakija chodziać z pachodniami, jak u nacysckaj Hiermanii. Heta ludzi, jakija źniščali palakaŭ, habrejaŭ i ruskich. Treba hetuju praktyku i teoryju spynić», — skazaŭ Pucin.
Darečy ŭ stenahramie na sajcie Kramla hetu niedarečnaść vypravili.
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy8
Kamientary