Śviet11

Ruski dobraachvotnicki korpus płanavaŭ vyzvalić Navalnaha siłavym šlacham — voś jak

Aficyjny telehram-kanał Ruskaha dobraachvotnickaha korpusa (RDK) raskryŭ padrabiaznaści, jak płanavaŭ vyzvalić rasijskaha apazicyjaniera Alaksieja Navalnaha, kali toj byŭ jašče ŭ papraŭčaj ustanovie №6 va Uładzimirskaj vobłaści Rasii. Raspracoŭcy płana, jak śćviardžajuć, dapamahali niekatoryja siłaviki i asudžanyja z samoj kałonii.

Alaksiej Navalny ŭ kabiniecie načalnika kałonii №6, dzie taksama prysutničajuć inšyja supracoŭniki administracyi ŭstanovy. Fota: kadr z kamiery videanazirańnia, jaki byŭ atrymany RDK z boku krynic u Fiederalnaj słužbie vykanańnia pakarańnia (FSVP)

RDK zmoh atrymać dostup da kamier videanazirańnia, unutranaj dakumientacyi i schiemy kałonii №6 va Uładzimirskaj vobłaści Rasii, dzie peŭny čas adbyvaŭ pakarańnie rasijski apazicyjanier Alaksiej Navalny.

Raspracoŭcy apieracyi pa vyzvaleńni palityka, pa śćviardžeńniach RDK, sadziejničali niekatoryja supracoŭniki Fiederalnaj słužby vykanańnia pakarańnia (FSVP) i niekatoryja asudžanyja z samoj kałonii, ź jakimi RDK udałosia źviazacca, dziakujučy źlivam z FSVP.

Kančatkovym punktam płana była adpraŭka Navalnaha va Ukrainu dla atrymańnia im prytułku.

«Pavodle płanu, naša hrupa pavinna była adbić Alaksieja Navalnaha ŭ kanvoja padčas jaho etapavańnia z PK-6 da PK-3 (Jamała-Nienieckaja akruha), a dalej razam ź im nieadkładna adpravicca na miažu z Ukrainaj i sustrecca tam z druhoj raźviedhrupaj RDK. Navalny pavinien byŭ atrymać prytułak va Ukrainie.

Na žal, miery biaśpieki, pryniatyja FSVP i FSB dla praduchileńnia padobnych scenaryjaŭ, spracavali. Data i čas etapavańnia Navalnaha niekalki razoŭ pieranosilisia, a ŭ vyniku etap pačaŭsia raptoŭna pa pramym vusnym zahadzie kiraŭnictva FSVP. Naša hrupa nie paśpieła apynucca ŭ rajonie płanavanaha pačatku apieracyi», — zajavili ŭ aficyjnym telehram-kanale RDK.

Tam dadali, što paśla hetaha płan pierapracoŭvaŭsia pad umovy PK-3, kudy adpravili Navalnaha, ale palityk raptoŭna pamior.

«Na žal, my nie paśpieli vyratavać Alaksieja, ale sotni palitviaźniaŭ jašče zastajucca ŭ niavoli. My vierym i pracujem nad tym, kab vyrvać ich z łap režymu tak ci inakš», — zapeŭnili pradstaŭniki RDK.

Alaksiej Navalny na šviejnym učastku pramzony kałonii №6. Fota: RDK
Schiema kałonii №6, dzie peŭny čas znachodziŭsia Navalny. Fota: RDK
Kolkaść asabovaha składu siłavikoŭ i hramadzianskaha piersanała ŭ kałonii №6 va Uładzimirskaj vobłaści Rasii. Fota: RDK
Uvachodnyja listy i zapyty z boku advakataŭ Navalnaha na imia administracyi kałonii №6. Fota: RDK

Kamientary1

  • vo
    20.02.2024
    A jon pajšoŭ by? Jaki sens tady byŭ viartacca ź Niamieččyny?

Ciapier čytajuć

Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie11

Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie

Usie naviny →
Usie naviny

U Mazyry žančyna ledź nie pamierła ad lačeńnia ihołkaŭkołvańniem. A ŭvodziła sabie zvyčajnyja ihołki ad šprycoŭ1

Minadukacyi Polščy ŭskładniła pastupleńnie va ŭniviersitety mnohim zamiežnikam

Palina Šarenda-Panasiuk namalavała pa pamiaci płan kałonii ŭ Zareččy1

U Miorskim rajonie žančyna zahinuła ad udaru tokam, kali nadzimała basiejn

Letaś u Vilni ŭ biełarusaŭ naradziłasia kala 100 dziaciej31

Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy10

Łukašenka pieražyvaje, što na rynku Rasii «ŭsie topčucca», i choča handlavać ź ES. Voś jak ciapier vyhladaje situacyja ŭ zamiežnym handli12

U Novaj Ziełandyi žančyna viezła dvuchhadovaje dzicia ŭ valizcy — palicyja raźbirajecca

Hety dyzajnier z Uhandy pieraviarnuŭ śviet mody — sekandam2

bolš čytanych navin
bolš łajkanych navin

Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie11

Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie

Hałoŭnaje
Usie naviny →

Zaŭvaha:

 

 

 

 

Zakryć Paviedamić