Bondarava sprabuje dabicca, kab prypynki ŭ transparcie ahučvali pa-rusku. Jaje paŭsiul adfutbolili
Danosčyca Volha Bondarava nazvońvała ŭ vykankamy z prośbaj rabić abjavy ŭ aŭtobusach i tralejbusach pa-rusku. Joj dasłali adkazy z roznych rehijonaŭ — paŭsiul admova.
«Uličvajučy, što časavy intervał znachodžańnia transpartnych srodkaŭ na prypynačnych punktach niaznačny (da 1 chviliny), tranślacyja hukavoj infarmacyi dla pasažyraŭ na dźviuch movach nie ŭjaŭlajecca mahčymaj», — pišacca ŭ liście ad Minsktransa.
U adkazie adznačajuć, što abviaščeńnie prypynkaŭ pa-biełarusku nie supiarečyć zakanadaŭstvu.
Taki ž adkaz pryjšoŭ prarasijskaj aktyvistcy i z Homielskaha abłvykankama.
Admova pryjšła i z Bresckaha abłvykankama. Pa-biełarusku infarmujuć u hramadskim transparcie Bresta, Stolina, Pinska, Łuninca, Baranavič.
«U adpaviednaści z zakonam dziaržavaj vyznačana prava vybaru movy, infarmacyja ŭ hramadskim transparcie tranślujecca ŭ abodvuch vypadkach biez parušeńnia norm dziejnaha zakanadaŭstva na adnoj ź dziaržaŭnych moŭ», — adpisali na skarhu Bondaravaj.
Admova pryjšła taksama ź Viciebska.
«Adnačasovaje ahučvańnie nazvaŭ prypynačnych punktaŭ na dźviuch dziaržaŭnych movach u ciapierašni čas technična nie ažyćciavima praz abmiežavany abjom pamiaci nośbitaŭ transpartnych infarmataraŭ»,
— pišacca ŭ adkazie kamiteta pa architektury i budaŭnictvie Viciebskaha abłvykankama.
Hrodzienski abłvykankam adpisaŭ: zakon nie parušajem.
«Śpiecyjalnaja infarmacyja dla pasažyraŭ abjaŭlajecca na biełaruskaj movie, sacyjalnaja rekłama — na ruskaj movie. U ahulnym abjomie hukavoj infarmacyi suadnosiny hučańnia na abiedźviuch movach adnolkavyja. Skarhaŭ i pretenzij z boku pasažyraŭ z hetaj nahody nie pastupała»,
— skazana ŭ liście ad kamiteta pa architektury i budaŭnictvie abłvykankama.
Bondarava, čakana, u šalenstvie: dyskryminujuć ruskuju movu!
«Adhavorki, čamu nie dajecca abviaščeńnie prypynkaŭ na abiedźviuch dziaržaŭnych movach, pryvodziacca roznyja, až da absurdnaha «mała pamiaci na fłešcy». Ale pryčyna bačycca adnoj: likvidacyja dziaržaŭnaj ruskaj movy. U niekatorych vypadkach — z padmienaj jaje anhielskaj (minskaje mietro)», — aburyłasia jana ŭ svaim telehram-kanale.
Bondarava niepierakanaŭča apraŭdvajecca za toje, čamu 17 hadoŭ nie pracavała
«Zamach na maju siamju!» Ideołah z «Biełaj Rusi» prosić abaranić jaje ad Bondaravaj
41-hadovaja danosčyca Bondarava raskazała pra svoj lehalny vopyt pracy — ahułam dva hady za žyćcio
«Bajusia, što jany hatovyja na ŭsio». Bondarava raskazała, jak joj ciažka žyviecca na biełym śviecie
Ciapier čytajuć
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi5
Kamientary