Što za minski biazdomny z trusikam staŭ zorkaj tyktoku? Akazvajecca, heta były palitviazień
Mužčyna z trusikam u minskim mietro sabraŭ za sutki bolš za 4 miljony prahladaŭ. My daviedalisia, chto heta — i takoha vy dakładna nie čakali.
Jak padkazali pravaabaroncy «Viasny», pažyły mužčyna — były palitviazień Alaksandr Kutas. Jamu 61 hod, i heta nasamreč biazdomny. Viadoma, što jašče da svajho palityčnaha terminu Kutas pravioŭ 22 hady ŭ miescach pazbaŭleńnia voli.
U 2021-m Alaksandra 10 razoŭ adpraŭlali na sutki byccam za «niesankcyjanavanaje pikietavańnie». Farmalnaja pryčyna dla pratakołaŭ — płakaty sa ściaham BSSR i prośbami pra dapamohu, jakija malavaŭ mužčyna. Ale ž byŭ u jaho i płakat z BČB-ściaham, na jakim było napisana: «Viarnicie mnie dziacinstva, junactva mnie viarnicie, i pieršaje kachańnie. Dapamažycie zabyć łahiery i niachaj žyvie Narodnaja Respublika Biełaruś».
Kutas pravioŭ na Akreścina nie mienš za 130 sutak.
1 śniežnia 2021 mužčynu zatrymali pa kryminałcy pa artykule 342-2 KK, to-bok «Nieadnarazovaje parušeńnie paradku arhanizacyi abo praviadzieńnia masavych mierapryjemstvaŭ». Kutas byŭ pieršym u Biełarusi, kaho asudzili pa hetym artykule.
Jon atrymaŭ adzin hod kałonii i vyzvaliŭsia 21 vieraśnia 2022 hoda.
«Naša Niva» — bastyjon biełaruščyny
PADTRYMAĆCiapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary