Pucin pa nieaficyjnych kanałach prapanuje ZŠA abmierkavać miery biaśpieki dla Kijeva — miedyja
Rasijski prezident nie suprać razhledzieć admovu ad patrabavańnia niejtralnaha statusu dla Ukrainy i navat admovicca ad supraćdziejańnia patencyjnamu siabroŭstvu ŭ NATA.
Uładzimir Pucin daje zrazumieć ZŠA, što hatovy abmierkavać zaviaršeńnie vajny va Ukrainie, piša The Moscow Times sa spasyłkaj na Bloomberg.
Jak paviedamlajuć krynicy Bloomberg, rasijski prezident sihnalizuje praź nieaficyjnyja kanały, što hatovy abmierkavać budučyja miery biaśpieki dla Kijeva.
Surazmoŭcy vydańnia, blizkija da Kramla, paviedamili, što sihnały byli pieradadzienyja vysokapastaŭlenym amierykanskim čynoŭnikam u śniežni praz pasiarednika, jakoha jany admovilisia nazyvać.
Pa ich słovach, Pucin nie suprać razhledzieć admovu ad patrabavańnia niejtralnaha statusu dla Ukrainy i navat admovicca ad supraćdziejańnia patencyjnamu členstvu ŭ NATA — pahroza jakoha była centralnym abhruntavańniem dla ŭvarvańnia.
Adnak sustrečnyja ŭmovy ŭklučajuć punkty, jakija Kijeŭ kateharyčna abviarhaje — pryznańnie kantrolu Kramla nad terytoryjami, jakija jon akupavaŭ z 2014 hoda, što składaje prykładna 18% Ukrainy.
Amierykanskija čynoŭniki, jakija razmaŭlali z Bloomberg, dali zrazumieć, što nastrojeny skieptyčna.
«My nie viedajem pra mierkavanyja źmieny ŭ pazicyi Rasii», — prakamientavała pradstaŭnica Rady nacyjanalnaj biaśpieki ZŠA Adryjen Uotsan. Jana padkreśliła, što rašeńnie ab tym, kali i jak vieści pierahavory z Rasijaj, budzie prymać Ukraina.
Pra ŭtojenyja sihnały Rasii Zachadu ŭ śniežni paviedamlała hazieta The New York Times.
Krynicy vydańnia kažuć, što ź vieraśnia Pucin praz pasiarednikaŭ paviedamlaje, što hatovy da spynieńnia ahniu pry peŭnych umovach.
Ciapier čytajuć
Adzin z zahinułych siońnia vajskoŭcaŭ — 26‑hadovy minčuk Kirył. Što pra jaho viadoma1
Kamientary