U Minsku ŭ Dziaržaŭnym muziei historyi biełaruskaj litaratury 25 studzienia adkryjecca vystava, prymierkavanaja da 100-hodździa z dnia naradžeńnia Vasila Bykava. Admietnaść časovaj ekspazicyi «Žyćcio praz abrysy i linii» ŭ tym, što jana maje nie tolki dakumientalna-litaraturny składnik, ale taksama pakaža Vasila Bykava jak mastaka, piša Bellit.info.
U 1939 hodzie, paśla skančeńnia 8 kłasaŭ Kublickaj siaredniaj škoły, budučy piśmieńnik pastupiŭ u Viciebskuju mastackuju vučelniu. Adnak uvosień 1940 hoda, u suviazi z paharšeńniem materyjalnaha stanovišča siamji i admienaj dziaržaŭnych stypiendyj, vymušany byŭ pakinuć navučańnie.
Paśla vajny i demabilizacyi ŭ 1947-m Bykaŭ pryjechaŭ u Minsk, dzie znoŭ płanavaŭ pastupić u mastackuju vučelniu. Ale ŭ vyniku trapiŭ u Hrodna, dzie niekatory čas pracavaŭ u mastackich majsterniach, raskazvajuć arhanizatary vystavy.
U knizie ŭspaminaŭ «Doŭhaja daroha dadomu» Vasil Bykaŭ pisaŭ: «Vyjaŭlenčaje mastactva ŭvajšło ŭ maju dušu z malunkaŭ, knižnych ilustracyj. Asabliva zachaplali hraviury ŭ starych knihach Žula Vierna dy inšych».
Na vystavie budzie pradstaŭlena bolš za 70 hrafičnych i žyvapisnych rabot Vasila Bykava. Krajavidy, chatki, padvorki z časoŭ dziacinstva, uspaminy ab vajnie, vypadki z žyćcia, samairaničnyja zamaloŭki, zasvajeńnie aŭtamabilnaj spravy, budaŭnictva dačy ŭ Ždanovičach — voś toje, što zamaloŭvaŭ piśmieńnik.
Adkryćcio 25 studzienia ŭ 17:00
Praciahniecca da 5 traŭnia
Adras: h.Minsk, vuł.M.Bahdanoviča, 13
U vieraśni-kastryčniku anałahičnaja vystava «Vasil Bykaŭ. Praz abrysy i linii» prachodziła ŭ Viciebsku — horadzie, jaki ciesna źviazany ź imiem piśmieńnika.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina24
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1717
Kamientary