Novaja ministarka kultury Słavakii Marcina Šymkavičava admianiła rasparadžeńnie, zhodna ź jakim u sakaviku 2022 hoda było spyniena supracoŭnictva hetaj krainy ŭ kulturnaj śfiery ź Biełaruśsiu i Rasijaj. Słovy pres-sakratara ministra Paŭła Čorby pryvodzić hazieta Pravda.
«U śviecie adbyvajucca dziasiatki vajennych kanfliktaŭ, i, na našu dumku, praź ich nie pavinny pakutavać dziejačy mastactva i kultury», — adznačyŭ Pavieł Čorba.
Ministerstva kultury Słavakii zabaraniła suviazi i supracoŭnictva ź Biełaruśsiu i Rasijaj u sakaviku 2022 hoda, kali Rasija napała na Ukrainu, a režym Łukašenki staŭ u hetym saŭdzielnikam.
U kancy ž minułaha hoda vybary ŭ Słavakii vyjhrała apazicyjnaja kaalicyja na čale z Robiertam Fica, jakaja ŭ dačynieńni da pucinskaha i łukašenkaŭskaha režymaŭ zajmaje bolš pamiarkoŭnuju pazicyju.
Ministarka Marcina Šymkavičava, jakaja pradstaŭlaje va ŭradzie Słavackuju nacyjanalnuju partyju, admianiła rasparadžeńnie svajoj papiarednicy Natalli Miłanavaj 12 studzienia. Zhodna ź infarmacyjaj haziety Pravda, heta rašeńnie ŭstupiła ŭ siłu z 15 studzienia.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny4
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary
Aj małajca! Moža Čyčerynu z Hannaj Siałuk u hości zasprosiš?