Napiaredadni vyniasieńnia prysudu baškirskamu aktyvistu staŭ niedastupny kanał, jaki aśviatlaŭ pratesty ŭ Baškiryi
U telehramie staŭ niedastupny kanał «Kuštau Bajram», jaki aśviatlaŭ pratesty suprać sudu nad baškirskim aktyvistam Failem Ałsynavym, zaŭvažyła Sota. Prysud Ałsynavu pieranieśli na 17 studzienia.
Ałsynaŭ zjaŭlajecca adnym ź lidaraŭ nacyjanalnaha ruchu baškiraŭ i aktyŭna vystupaŭ suprać zdabyčy zołata ŭ rehijonie ŭ 2023 hodzie.
Jak ličyć śledstva, u krasaviku na adnoj z akcyj jon, pramaŭlajučy na baškirskaj movie, vykazaŭsia suprać mihrantaŭ, jakija pracavali na kapalniach, movaj varažniečy. Aktyvisty ž nastojvajuć, što pierakład pramovy, jaki byŭ pradstaŭleny ŭ sudzie, naŭmysna skazili.
Ałsynava abvinavacili ŭ ekstremiźmie, prakuror zapytaŭ dla jaho 4 hady kałonii-pasialeńnia.
Niekalki tysiač čałaviek sabralisia 15 studzienia kala suda ŭ horadzie Bajmak. Prysud u vyniku byŭ pieraniesieny na 17 studzienia.
Adnym z apošnich pastoŭ na kanale «Kuštau Bajram» byŭ zaklik prychodzić zaŭtra da suda.
Na praciahu siońniašniaha dnia baškirskija ŭłady rabili sproby źnizić zaŭtrašnija pratesty: zapavolvałasia praca «Ukantakcie» i WhatsApp, zabłakavanyja inšyja telehram-kanały, taksama byŭ zatrymany šerah aktyvistaŭ, piša Sota.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary