Mužčyna dastaŭ sa śmietnicy ŭ abmieńniku $100 — jaho sudzili za kradziež
36-hadovy mužčyna pryjechaŭ u handlovy centr, kab abmianiać valutu. U śmietnicy jon pabačyŭ kupiuru ŭ 100 dalaraŭ i zabraŭ jaje. Za heta jaho sudzili pa kryminalnym artykule, piša «Minsk-Naviny».
Jak vyśvietliłasia, kupiuru vypadkova vykinuła z čekam inšaja klijentka.
Milicyja znajšła mužčynu pa zapisach z kamier videanazirańnia. Jon pracuje kładaŭščykom u pryvatnaj kampanii, raniej da kryminalnaj adkaznaści nie pryciahvaŭsia.
Pavodle prakuratury, mužčyna pryznaŭ vinu, raskajaŭsia i paprasiŭ prabačeńnia ŭ žančyny, jakaja vykinuła hrošy.
Sud pryznaŭ jaho vinavatym u tajemnym vykradańni majomaści i na padstavie častki 1 artykułu 205 KK Respubliki Biełaruś pryznačyŭ pakarańnie ŭ vyhladzie štrafu ŭ 50 bazavych vieličyń (2000 rubloŭ), raspaviali ŭ prakuratury.
Pakul prysud nie ŭstupiŭ u siłu i moža być abskardžany i apratestavany.
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary
A tak možna i rovar "znajści" na vulicy i futra ŭ harderobie.
Śmietnik - nie śmietnik, prosta nie biary toje, što tabie nie naležyć.