Мужчына дастаў са сметніцы ў абменніку $100 — яго судзілі за крадзеж
36-гадовы мужчына прыехаў у гандлёвы цэнтр, каб абмяняць валюту. У сметніцы ён пабачыў купюру ў 100 даляраў і забраў яе. За гэта яго судзілі па крымінальным артыкуле, піша «Мінск-Навіны».
Як высветлілася, купюру выпадкова выкінула з чэкам іншая кліентка.
Міліцыя знайшла мужчыну па запісах з камер відэаназірання. Ён працуе кладаўшчыком у прыватнай кампаніі, раней да крымінальнай адказнасці не прыцягваўся.
Паводле пракуратуры, мужчына прызнаў віну, раскаяўся і папрасіў прабачэння ў жанчыны, якая выкінула грошы.
Суд прызнаў яго вінаватым у таемным выкраданні маёмасці і на падставе часткі 1 артыкулу 205 КК Рэспублікі Беларусь прызначыў пакаранне ў выглядзе штрафу ў 50 базавых велічынь (2000 рублёў), распавялі ў пракуратуры.
Пакуль прысуд не ўступіў у сілу і можа быць абскарджаны і апратэставаны.
Цяпер чытаюць
Што вядома пра Максіма Палянскага і Мікалая Свірыдава — беларускіх альпіністаў, якія зніклі ў гарах Кыргызстана3
Каментары
А так можна і ровар "знайсці" на вуліцы і футра ў гардэробе.
Сметнік - не сметнік, проста не бяры тое, што табе не належыць.