Na deputackija vybary pojdzie «Jaśka-haspadar». Virtualnaha kandydata paabiacaŭ Labiedźka
Navošta?
Kiraŭnik Centra daśledavańniaŭ i prahnozaŭ raźvićcia «Jeŭrapiejski dyjałoh» Anatol Labiedźka zajaviŭ na pres-kanfierencyi, što inicyjatyva ź virtualnym kandydatam na deputackich vybarach ciapier prapracoŭvajecca.
«Jaśka-haspadar» stanie častkaj infarmacyjnaj kampanii apazicyi.
Vyłučać «Jaśku-haspadara» ŭ deputaty źbirajecca supolnaść palityčnych partyj. Heta supolnaść abjadnoŭvaje vosiem apazicyjnych arhanizacyj: AHP, BCHD, BNF, BSDP «Narodnaja Hramada», BSDP «Hramada», «Razam», «Zialonyja», Ruch «Za svabodu».
Pavodle Labiedźki, da stvareńnia virtualnaha kandydata vyjavili cikavaść arhanizacyi IT-siektara i ŭžo pišacca prahrama. Sama ideja zjaviłasia padčas mazhavoha šturmu pradstaŭnikoŭ palityčnych partyj i Kaardynacyjnaj rady.
Partyjec zapeŭniŭ, što «Jaśka-haspadar» budzie absalutna nie padobny da tych kandydataŭ, jakich zarehistruje režym Łukašenki.
Jaho zadača — pakazać, što vybaraŭ u Biełarusi niama.
«Ale razam z tym pakazać, jakaja alternatyva jość u Biełarusi, — dadaŭ Labiedźka. — Akcent budzie zrobleny mienavita na prahramu: jeŭrapiejskaja intehracyja, Biełaruś i Jeŭrapiejski Sajuz, Biełaruś u NATA. Heta toje, pra što nie budzie havaryć nivodzin kandydat, jakoha zarehistrujuć».
Adznačałasia, što była sproba aktyvista AHP vyłučycca ŭ miascovyja saviety, ale jaho nie zarehistravali. Pavodle pradstaŭnika BCHD Dzianisa Sadoŭskaha, u kampanii ŭdzielničajuć niekalki prychilnikaŭ jaho partyi.
Na pres-kanferencyi było zajaŭlena, što apazicyjnyja partyi zaklikali ludziej nie ŭdzielničać u vybarach, a kali budzie prymus, to hałasavać suprać usich.
Pavodle Anatola Labiedźki, 22-25 studzienia Rada Jeŭropy ahučyć svajo staŭleńnie da vybaraŭ, jakija ładzić režym Łukašenki. Raniej takija kampanii pryznavalisia nielehitymnymi pa skančeńni vybaraŭ, ciapier ža jany mohuć być pryznanyja takimi da ich zaviaršeńnia.
Na kožnuju siesiju Rady Jeŭropy ciapier zaprašajuć troch pradstaŭnikoŭ ad partyjnaj supolnaści. Na mižnarodnych forumach im udajecca prasoŭvać biełaruski paradak dnia. Uzdymajucca pytańni pra los palitviaźniaŭ.
«Naša Niva» — bastyjon biełaruščyny
PADTRYMAĆHladzicie taksama:
U deputaty ad łukašenkaŭcaŭ idzie biełaruskamoŭny piśmieńnik. Što pra jaho viadoma?
-
Z asudžanaha za špijanaž znajomaha Volhi Karač u turmie vymahali hrošy. A jon chvaliŭsia, što moža dastać ich u pasolstvie Biełarusi
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Moža pamylajusia, mahčyma ŭsia sprava ŭ žadańni atrymać hrant za vyhlad zmahańnia. Abo Rejmon sapraŭdy isnuje.
Adnym słovam pytańni jość, a žadańnia ni tym ni inšym paturać niama.