U Minsku za «zdradu dziaržavie» i «ekstremizm» pačali sudzić troch mytnikaŭ
Minski haradski sud pačaŭ razhladać spravu ŭ dačynieńni da troch čałaviek, jakich abvinavačvajuć pavodle dzieviaci artykułaŭ Kryminalnaha kodeksa — u tym liku ŭ «zdradzie dziaržavie» i «ekstremiźmie».
Jaŭhien Hurynovič, Uładzimir Žuromski i Viktar Novik. Kałaž: Zerkalo.io
Razhlad spravy ŭ dačynieńni da Jaŭhiena Hurynoviča, Uładzimira Žuromskaha i Viktara Novika pačaŭsia 5 studzienia ŭ zakrytym režymie. Troje mužčyn pracavali mytnikami, paviedamlaje dissidentby.
Padrabiaznaści abvinavačvańnia nieviadomyja, ale sudziać mužčyn pa dzieviaci artykułach Kryminalnaha kodeksa:
- č. 2 art. 426 — pieravyšeńnie ŭłady abo słužbovych paŭnamoctvaŭ;
- č. 2 art. 377 — kradziež, źniščeńnie, paškodžańnie albo ŭtojvańnie dakumientaŭ, štampaŭ, piačatak, kradziež błankaŭ;
- č. 1 art. 356 — zdrada dziaržavie (u redakcyi zakona ad 09.01.2019);
- č. 1 art. 179 — niezakonny zbor albo raspaŭsiud infarmacyi ab pryvatnym žyćci (vyklučana 26.05.2021);
- č. 2 art. 352 — niepravamiernaje zavałodańnie kampjutarnaj infarmacyjaj;
- č. 2 art. 361-4 — sadziejničańnie ekstremisckaj dziejnaści;
- č. 1, 2 art. 203-1 — niezakonnyja dziejańni ŭ dačynieńni da infarmacyi ab pryvatnym žyćci i piersanalnych dadzienych;
- č. 3 art. 361-1 — stvareńnie ekstremisckaha farmiravańnia albo ŭdzieł u im;
- č. 2, 3 art. 130 — raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varožaści.
Sudzić byłych mytnikaŭ Siarhiej Chrypač, viadomy šmatlikimi palityčna matyvavanymi prysudami.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary