Minabarony Rasii paviedamiła pra źniščeńnie 32 ukrainskich dronaŭ nad čatyrma abłaściami
Paviedamlajecca, što ŭ noč na 30 śniežnia rasijskija siły SPA źniščyli abo pierachapili ŭkrainskija bieśpiłotniki nad terytoryjami Branskaj, Arłoŭskaj, Kurskaj i Maskoŭskaj abłaściej.
Tak, hubiernatar Biełharadskaj vobłaści Viačasłaŭ Hładkoŭ zajaviŭ, što padčas ataki zahinuŭ adzin čałaviek, jašče čaćviora, uklučajučy 10-hadovaje dzicia, paciarpieli.
«Roznyja razbureńni zafiksavanyja ŭ 10 pryvatnych žyłych domaŭładańniach <…> Jość paškodžańnie sistemy vodazabieśpiačeńnia ŭ horadzie Biełharadzie. Avaryjnyja bryhady na miescy», — piša RBK.
Minabarony paźniej paviedamiła, što srodki SPA źniščyli 13 reaktyŭnych snaradaŭ nad Biełharadskaj vobłaściu. U «terarystyčnaj atacy» Ministerstva abvinavaciła Kijeŭ.
Hubiernatar Alaksandr Bahamaz taksama paviedamlaŭ pra ataku bieśpiłotnikaŭ na Branskuju vobłaść. Źbityja byli jak minimum šeść ź ich.
Nahadajem, što ŭčora mienavita Ukraina padviehłasia samaj masiravanaj za apošnija miesiacy atacy, u chodzie jakoj zahinuli 18 čałaviek.
Kamientary