Pastajanny pradstaŭnik Rasii pry mižnarodnych arhanizacyjach u Vienie Michaił Uljanaŭ zajaviŭ, što Finlandyja, jakaja dziesiacihodździami zachoŭvała niejtralny status, paśla ŭstupleńnia ŭ NATA stała «varožym hulcom».
U Rasii pahražajuć, što ŭ vypadku eskałacyi napružanaści pamiž Rasijaj i NATA pieršaj krainaj, jakaja paciarpić, budzie Finlandyja, piša «Jeŭrapiejskaja praŭda».
«Jany žyli spakojna i mirna i raptam apynulisia pamiž Rasijaj i NATA jak siabra hetaha aljansu, ale pakolki jany zjaŭlajucca našymi susiedziami, kali, nie daj boža, adbudziecca niejkaja eskałacyja, jany paciarpiać pieršymi», — skazaŭ Michaił Uljanaŭ.
U hetym miesiacy Rasija ŭžo pieraścierahła Finlandyju z-za novaha abaronnaha pahadnieńnia, jakoje daje ZŠA šyroki dostup da finskaj miažy z Rasijaj. Taksama paviedamlałasia, što Rasija nieŭzabavie razhornie svaje najnoŭšyja haŭbicy ŭ Paŭnočnaj vajennaj akruzie, jakaja miažuje ź Finlandyjaj i Narviehijaj.
17 śniežnia Prezident RF Uładzimir Pucin paabiacaŭ prablemy Finlandyi. «Prablem nie było. Ciapier buduć. Bo my ciapier budziem stvarać Leninhradskuju vajennuju akruhu i kancentravać tam peŭnyja vajskovyja padraździaleńni. Navošta im heta treba, hłupstva niejkaje prosta», — skazaŭ prezident RF.
Finlandyja stała siabram NATA 4 krasavika. Kraina padała zajaŭku na ŭstupleńnie ŭ Paŭnočnaatłantyčny aljans paśla poŭnamaštabnaha rasijskaha ŭvarvańnia va Ukrainu ŭ lutym 2022 hoda. Datul Finlandyja zachoŭvała niejtralny status.
Ciapier praź mihrancki kryzis Finlandyja zakryła pamiežnyja pierachody na miažy z Rasijaj.
-
Tramp sustreŭsia ŭ Biełym domie z Zachranam Mamdani. Jany pavodzili siabie jak najlepšyja siabry
-
U HUR padziakavali amierykancam za vyzvaleńnie źniavolenych ukraincaŭ i adznačyli «kanstruktyŭnuju pazicyju kiraŭnictva Biełarusi»
-
Orban pahražaje zabłakavać jeŭrapiejskuju dapamohu Ukrainie, kali nie budzie biezumoŭna pryniaty płan Trampa
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary