Niekatorych viaźniaŭ Vaładarki źbirajucca pieravieści ŭ Kaladzičy ŭ nastupnym miesiacy
Niekatoryja rady pieravodu, bo raźličvajuć, što ŭ novym korpusie budzie lepš. Inšyja aścierahajucca.
Niekatorym viaźniam SIZA № 1 na Vaładarskaha vydali apaviaščeńni, što z 8 studzienia ich pieraviaduć u novy śledčy izalatar u Kaladzičach. Pra heta «Lusterku» paviedamili svajaki padślednych.
Jak raspaviali blizkija, krytery, pa jakich vyznačajuć tych, kaho buduć pieravodzić, nieviadomyja. Niekatoryja rady pieravodu, bo raźličvajuć, što ŭ novym korpusie budzie lepš. Inšyja aścierahajucca, što ŭ novym budynku jašče nie ŭsio hatova i chvalujucca za bytavyja ŭmovy.
Nahadajem, budaŭnictva balnicy i SIZA dla źniavolenych pačałosia ŭ Kaladzičach jašče ŭ 2010 hodzie. Pieršapačatkova adkryćcio płanavali ŭ 2015 hodzie, adnak u 2013 hodzie vyjavilisia fakty chabarnictva i raskradańnia budmateryjałaŭ, tamu terminy pieranieśli na 2020 hod. U 2018 hodzie terminy znoŭ pieranieśli — užo na 2022 hod.
U śniežni 2020 hoda Onliner.by paviedamlaŭ, što samy skončany vid na toj momant mieli balnica i internat dla budučych rabotnikaŭ, a ŭ budynka izalatara była samaja nizkaja hatoŭnaść. Dva karpusy, jakija pavinny byli jašče źjavicca, budavać navat nie pačynali. 16 červienia 2021 hoda vyjšaŭ novy ŭkaz, zhodna ź jakim balnicu pavinny byli zdać u 2021 hodzie, a SIZA — u 2023-m.
Paśla pierajezdu Vaładarki ŭ Kaladzičy Piščałaŭski zamak, u jakim raźmiaščajecca izalatar, addaduć horadu. Čakajecca, što paśla hetaha histaryčny abjekt adrestaŭrujuć.
Ciapier čytajuć
Pamiłavany biełaruski palitviazień pajšoŭ na vajnu suprać Ukrainy2
Pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary