Na «Vaładarcy» bolš nie prymajuć miedycynskija pieradačy bieź śpiecyjalnaj zajavy ad źniavolenaha
Ad siońnia ŭ SIZA-1 u Minsku dziejničajuć novyja praviły pryjomu miedycynskich pieradač, paviedamlajuć pravaabaroncy.
Tak, pavodle ŭkazańnia Departamienta vykanańnia pakarańniaŭ, kab viaźni mahli atrymać ad svajakoŭ vitaminy i leki, im treba spačatku źviarnucca ŭ miedčastku ź piśmovaj zajavaj. Pry hetym adznačajecca, što nieabchodnaść i metazhodnaść pieradačy vyznačajecca lekaram izalatara, paśla čaho jon vydaje dazvoł albo admaŭlaje ŭ joj, piša «Viasna».
Paśla hetaha viaźniu treba dasłać pa pošcie svajakam zajavu z dazvołam, a taksama pieralik i kolkaść nieabchodnych lekaŭ. Tolki z hetaj zajavaj rodnyja zmohuć pieradać miedycynskuju pieradaču. Taksama adznačajecca, što brać leki z saboj padčas etapu viaźniu zabaroniena, a nieabchodnyja leki buduć jamu vydavacca ź piśmovaha dazvołu lekara.
Adznačym, što praz adsutnaść jakasnaj miedycynskaj dapamohi ŭ miescach źniavoleńnia, hetyja pieradačy dla svajakoŭ — adziny sposab dapamahčy blizkamu čałavieku.
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary