Supolnymi namahańniami Mižnarodnaha sajuza biełaruskich piśmieńnikaŭ i fondu «Kamunikat» udałosia stvaryć aŭdyjaviersiju sieryi knih Śviatłany Aleksijevič.
«Hałasy Utopii» składajucca ź piaci knih: «U vajny nie žanočy tvar», «Apošnija śviedki», «Cynkavyja chłopčyki», «Čarnobylskaja malitva», «Čas sekand-chend». Unikalnaść sieryi ŭ tym, što najnoŭšaje vydańnie aŭtarka dapoŭniła zapisami z ułasnaha dziońnika i novymi historyjami, a taksama skasavała praŭki cenzaraŭ.
Akramia taho — jakasnaja ahučka prafiesijnych akcioraŭ — Aleh Harbuz, Alena Bajarava, Siarhiej Čub i Kryścina Drobyš.
«Chočam my hetaha ci nie, ale historyja paŭtarajecca. Jana moža źmianiać čas, miesca, ale sutnaść zastajecca toj ža. Toje, što jość u knihach Śviatłany Aleksijevič, — jano voś tut ciapier z nami. A niekatoryja byli dla mianie jak pohlad u budučyniu. Heta treba pačuć ciapier, kab ubačyć, nakolki inšaj jość historyja taho, što, zdavałasia, raskazanaje z usich bakoŭ. Nakolki jana aktualnaja ciapier. Da dryžykaŭ», — kaža Kryścina Drobyš.
Dzie słuchać? Na luboj zručnaj placoŭcy. Pierajšoŭšy pa spasyłkach, vybirajcie zručnuju (dziela najlepšaha ŭražańnia varta zachavać aŭtarskuju čarhovaść vydańniaŭ):
«U vajny nie žanočy tvar» (pierakład Valancina Akudoviča)
«Apošnija śviedki» (pierakład Barysa Piatroviča)
«Cynkavyja chłopčyki» (pierakład Andreja Chadanoviča)
«Čarnobylskaja malitva» (pierakład Uładzimira Arłova)
«Čas sekand chend» (pierakłaŭ Siarhiej Dubaviec)
-
Vyjšaŭ dapoŭnieny raman Alesia Paškieviča pra Duboŭku
-
«Treba kryčać, što my jość, my byli i praciahvajem isnavać». Teatralny krytyk Nastaśsia Pankratava — pra svaju knihu i biełaruski teatr da i paśla 2020 hoda
-
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu
Kamientary