Armienija admoviłasia ad udziełu ŭ jašče adnym mierapryjemstvie ADKB
Staršynia Nacyjanalnaha schodu Respubliki Armienija Alen Simanian 5 śniežnia ŭ aficyjnym liście paćvierdziŭ, što nie budzie ŭdzielničać u pasiadžeńni ADKB, piša «Armienpres».
Śpikier Nacyjanalnaha schodu Armienii Alen Simanian nie prymie ŭdziełu ŭ vyjaznym pasiedžańni Parłamienckaj asamblei ADKB i 16-ym plenarnym pasiedžańni, jakija projduć u Maskvie 19 śniežnia 2023 hoda. U pasiadžeńniach nie prymie ŭdzieł i delehacyja Nacyjanalnaha schodu Armienii.
Admovu ad pajezdki ŭ Maskvu Alen Simanian piśmova paćvierdziŭ aficyjnym listom.
Raniej premjer-ministr Armienii, ministr zamiežnych spraŭ, ministr abarony i sakratar Rady biaśpieki nie ŭdzielničali ŭ mierapryjemstvach, arhanizavanych ADKB, padkreślivaje «Armienpres».
Armienija ŭvachodzić u prarasijskuju Arhanizacyju Damovy ab kalektyŭnaj biaśpiecy, i jaje kiraŭnictva ŭ 2020 hodzie ŭ pytańniach mižnarodnaj palityki ŭ SND išło ŭ farvatary Kramla.
Ale ŭ suviazi z tym, što Rasija i ADKB admovilisia niečym dapamahać Armienii ŭ situacyi, kali Azierbajdžan staŭ vyrašać daŭni terytaryjalny kanflikt u Nahornym Karabachu siłavymi mietadami, adbyvajecca faktyčny sychod Armienii z rasijskaj śfiery ŭpłyvu.
23 listapada Nikoł Pašynian nie pryjechaŭ u Minsk na samit ADKB, čym zasmuciŭ i pakryŭdziŭ Łukašenku.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary