Biełčyhunka pryznačyła bolš za 140 ciahnikoŭ na kaladnyja i navahodnija śviaty
Prodaž kvitkoŭ na hetyja ciahniki ŭžo adkryty.
Ad 22 śniežnia da 9 studzienia ŭžo pryznačana 144 dadatkovyja ciahniki ŭ mižrehijanalnym i mižnarodnym złučeńniach, paviedamlaje pres-słužba Biełčyhunki.
Pa terytoryi Biełarusi ŭ hety pieryjad buduć kursiravać 90 dadatkovych ciahnikoŭ pa najbolš zapatrabavanych u pasažyraŭ maršrutach: Minsk — Homiel, Minsk — Brest, Minsk — Viciebsk, Minsk — Hrodna, Minsk — Pinsk, Viciebsk — Brest, Hrodna — Orša — Viciebsk, Hrodna — Orša — Kryčaŭ, Hrodna — Orša — Kamunary.
U mižnarodnych złučeńniach z Rasijaj dadatkova pryznačana 54 ciahniki pa papularnych u pasažyraŭ napramkach: Minsk — Maskva, Brest — Maskva, Połack — Maskva i Minsk — Sankt-Pieciarburh.
Prodaž kvitkoŭ na hetyja ciahniki ŭžo adkryty.
Taksama paviedamlajecca, što viadziecca praca pa dalejšym pryznačeńni dadatkovych ciahnikoŭ u mižnarodnym i mižrehijanalnym złučeńniach.
Kamientary