«Prahledzieli sotni hihabajtaŭ videa». MUS raskazała, kolki siłaŭ i resursaŭ tracicca na toje, kab znajści vykradalnika dziaržściaha
Pra raskryćcio čarhovaha «ździeku nad dziaržaŭnym ściaham» 24 listapada adrapartavała MUS. Pa takim abvinavačvańni zatrymali 41-hadovaha žychara Rečycy.
Toje, što na fasadzie administracyjnaha budynka jurydyčnaj kansultacyi niama dziaržaŭnaha ściaha, zaŭvažyli ŭ kancy kastryčnika. Paśla rabotniki ŽKH znajšli pałotnišča pryviazanym da słupa darožnaha znaka.
Jak śćviardžaje pres-słužba MUS, dziela pošuku padazravanaha mužčyny homielski HUBAZiK prykłaŭ niemałyja namahańni:
«Na praciahu troch tydniaŭ z metaj ustanaŭleńnia datyčnych da złačynstva supracoŭniki vośmaha ŭpraŭleńnia HUBAZiKa MUS praviali kompleks apieratyŭna-vyšukovych mierapryjemstvaŭ.
Adpracavana bolš za 50 asob, jakija traplali ŭ pole zroku pravaachoŭnikaŭ za ekstremisckuju dziejnaść, u tym liku žycharoŭ Minskaj i Hrodzienskaj abłaściej, adhledžana sotni hihabajtaŭ videazapisaŭ z kamier vonkavaha nazirańnia», — havorycca ŭ paviedamleńni MUS.
U vyniku supracoŭniki HUBAZiKa «ustanavili i pry siłavoj padtrymcy abłasnoha AMAPa zatrymali» žychara Rečycy, jaki raniej tolki traplaŭsia pjanym za rulom i zatrymlivaŭsia za inšyja padobnyja pravaparušeńni. Śćviardžajecca, što mužčyna vypivaŭ u bary, «paśla čaho nakiravaŭsia ŭ horad na pošuki pryhod — ubačyŭšy ściah, sarvaŭ jaho i praź niekalki mietraŭ vykinuŭ».
Pa hetym epizodzie zaviali kryminalnuju spravu, a paralelna pachvalilisia, što «padčas praviadzieńnia mierapryjemstvaŭ vyjaŭleny šerah inšych parušeńniaŭ, pryciahnuta da adkaznaści bolš za dziasiatak hramadzian». U pryvatnaści, u «ekstremisckaj dziejnaści» abvinavacili byłoha supracoŭnika jurydyčnaj kansultacyi.
«Uładzimir Uładzimiravič, vielizarnaja prośba: prašu pryzvać mianie na SVA». Tyktok-vajar z Dobruša prosicca na front
Navošta staršynia CVK Karpienka jeździŭ da siłavikoŭ
«Milicyjantka tajkom padkłała ŭ kišeniu pakunak ź ježaju i šeptam vybačyłasia, što mała». Hramadzianka Litvy biełaruskaha pachodžańnia 26 dzion praviała na Akreścina
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak17
Kamientary