Śpiecyjalist raskazaŭ, jak siabie zaścierahčy ad padmanu pa schiemie Dolinaj
Adzin z raspaŭsiudžanych sposabaŭ machlarstva z kvaterami — heta tak zvanaja «babulina schiema», jakuju paśla historyi z rasijskaj śpiavačkaj stali nazyvać «schiemaj Dolinaj». U hetym vypadku nieŭzabavie paśla prodažu kvatery pradaviec sprabuje asprečyć uhodu, zajaŭlajučy, što staŭ achviaraj machlaroŭ.
U hetym vypadku nieŭzabavie paśla prodažu kvatery pradaviec sprabuje asprečyć ździełku, zajaŭlajučy, što staŭ achviaraj machlaroŭ. Pra toje, jak pakupniku kvatery minimizavać ryzyku i nie sutyknucca z takoj źjavaj, raskazali ŭ Kamitecie sudovych ekśpiertyz, piša 1prof.by.
U Biełarusi jość takaja pasłuha — pravierka pradaŭca na «sumlennaść ździełki». Jaje možna zamović u abłasnych i Minskim haradskim upraŭleńniach sudova-psichijatryčnych ekśpiertyz.
Pracuje heta tak. Pakupnik prapanuje pradaŭcu (asabliva, kali heta padžyły čałaviek, jaki raptam pradaje kvateru) prajści pravierku. Heta zojmie peŭny čas, bo, pa-pieršaje, treba sabrać niekatoryja dakumienty (naprykład, z palikliniki, centra psichijatryi i psichaterapii, narkałahičnaha centra).
Potym pradaviec prachodzić kamisiju, što składajecca z troch psichijatraŭ i dvuch psichołahaŭ. Tam aceńvajuć psichičny stan čałavieka i z vysokaj vierahodnaściu mohuć vyjavić, što jon pryniaŭ rašeńnie pra prodaž, znachodziačysia pad źniešnim upłyvam.
Ale čałaviek pavinien dać zhodu na prachodžańnie ekśpiertyzy. Pa-druhoje, heta kaštuje hrošaj — prykładna 1,5 tys. rubloŭ, jakija vidavočna daviadziecca apłacić pakupniku, bo jon u hetym bolš zacikaŭleny. Pa-treciaje, ekśpiertyza, chutčej za ŭsio, nie daść adnaznačnaha adkazu, a tolki acenić imaviernaść.
Čaćviortaje — heta terminy. Vyniki ekśpierty padrychtujuć na praciahu 30 dzion. Ź inšaha boku, takaja zatrymka moža jakraz sarvać płany machlaroŭ, kažuć śpiecyjalisty.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary