Brytanskija ŭłady pryznali sposab zaboju krabaŭ, łobstaraŭ i inšych rakapadobnych praz apuskańnie ich u kipień niedapuščalnym, bo jość dokazy, što hetyja bieschrybietnyja zdolnyja adčuvać bol, piša The Guardian.
Padobnyja zabarony ŭžo dziejničajuć u Šviejcaryi, Narviehii i Novaj Ziełandyi. Abaroncy žyvioł miarkujuć, što bolš humanna pierad varkaj ahłušać rakapadobnych z dapamohaj elektryčnych pryboraŭ abo achałodžvać ich lodam.
Jašče ŭ 2022 hodzie ŭ Anhlii byŭ pryniaty zakon, jaki aficyjna pryznaŭ, što amary, kraby i vaśminohi mohuć adčuvać bol i pakuty. Sa słoŭ pradstaŭnikoŭ dabračynnych arhanizacyj, kali žyvych i prytomnych žyviolin apuskajuć u kipień, jany niekalki chvilin mocna pakutujuć, čaho možna całkam paźbiehnuć.
Akramia hetaha, u krainie rychtujuć i inšyja źmieny ŭ śfiery abarony žyvioł: płanujuć zabaranić raźviadzieńnie ščaniukoŭ na fiermach, abmierkavać abmiežavańnie vykarystańnia elektrašokavych ašyjnikaŭ dla sabak, a taksama ŭvieści novyja patrabavańni da humannaha zaboju ryby, jakuju vyroščvajuć u haspadarkach.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary
Ale jak možna ŭ pryncypie dakazać pakuty? Dla hetaha pavinna być śviadomaść, asoba, jakaja pieražyvaje. Kali kinuć u mašynu kamień, to zavyje sihnalizacyja. Ale heta nie aznačaje, što mašyna pakutuje ad bolu.