U kramie zaŭvažyli biełaruskich rakaŭ amal za 90 rubloŭ. Čamu jany takija darahija?
U siecivie pakazali fota z cenami na biełaruskich rakaŭ i krevietak z Rasii ŭ kramie handlovaj sietki «Jeŭraopt». Košt pieršych — 89,99 rubla za kiło. Vydańnie Telegraf.news paraŭnała ceny na ajčynnych rakaŭ i zamorskich krevietak, łobstaraŭ, krabaŭ.
Ceńnik na śviežamarožanych biełanohich krevietak Vici ŭ «Jeŭraopcie» — 26,99 rubla za adzin kiłahram (heta značyć na 63 rubli tańniej, abo ŭ 3,3 raza).
U servisie Edostavka ceńniki na ŭsie prapanavanyja krevietki nižejšyja, čym na rakaŭ: ad 9,99 rubla za varana-marožanuju krevietku «Paŭnočnaja» da 67,25 za krevietku Fish biez hałavy.
A voś łobstary daražejšyja za rakaŭ — 239 rubloŭ za kiło ŭ Edostavka. Kaniečnaści kamčackaha kraba tańniejšyja za łobstaraŭ, ale ŭsio adno daražejšyja za biełaruskich rakaŭ — 129 rubloŭ za kiło.
Darečy, rakaŭ možna taksama znajści ŭ internet-kramie «Hipa». Tam ich košt udvaja nižejšy — 44,99 rubla za kiło. Ale ŭsio adno jany daražejšyja za krevietak: u hetaj kramie prapanujuć kupić śviežamarožanych arhiencinskich čyrvonych krevietak u pancyry pa košcie 42,99 rubla za adzin kiłahram.
Jak śćviardžaje partał Fishingby.com, u Biełarusi ciapier daŭhapały rak źjaŭlajecca adzinym pramysłovym vidam, a papulacyja skaračajecca. Heta adna z pryčyn vysokaha cany hetaha tavaru.
Inšyja faktary, jakija ŭpłyvajuć na košt:
- abmiežavańni na vyłaŭ;
- vysoki sabiekošt utrymańnia i hadoŭli rakaŭ u štučna stvoranych umovach;
- pieravyšeńnie popytu nad prapanovaj.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary