«Прагледзелі сотні гігабайтаў відэа». МУС расказала, колькі сілаў і рэсурсаў траціцца на тое, каб знайсці выкрадальніка дзяржсцяга
Пра раскрыццё чарговага «здзеку над дзяржаўным сцягам» 24 лістапада адрапартавала МУС. Па такім абвінавачванні затрымалі 41-гадовага жыхара Рэчыцы.
Тое, што на фасадзе адміністрацыйнага будынка юрыдычнай кансультацыі няма дзяржаўнага сцяга, заўважылі ў канцы кастрычніка. Пасля работнікі ЖКГ знайшлі палотнішча прывязаным да слупа дарожнага знака.
Як сцвярджае прэс-служба МУС, дзеля пошуку падазраванага мужчыны гомельскі ГУБАЗіК прыклаў немалыя намаганні:
«На працягу трох тыдняў з мэтай устанаўлення датычных да злачынства супрацоўнікі восьмага ўпраўлення ГУБАЗіКа МУС правялі комплекс аператыўна-вышуковых мерапрыемстваў.
Адпрацавана больш за 50 асоб, якія траплялі ў поле зроку праваахоўнікаў за экстрэмісцкую дзейнасць, у тым ліку жыхароў Мінскай і Гродзенскай абласцей, адгледжана сотні гігабайтаў відэазапісаў з камер вонкавага назірання», — гаворыцца ў паведамленні МУС.
У выніку супрацоўнікі ГУБАЗіКа «устанавілі і пры сілавой падтрымцы абласнога АМАПа затрымалі» жыхара Рэчыцы, які раней толькі трапляўся п'яным за рулём і затрымліваўся за іншыя падобныя правапарушэнні. Сцвярджаецца, што мужчына выпіваў у бары, «пасля чаго накіраваўся ў горад на пошукі прыгод — убачыўшы сцяг, сарваў яго і праз некалькі метраў выкінуў».
Па гэтым эпізодзе завялі крымінальную справу, а паралельна пахваліліся, што «падчас правядзення мерапрыемстваў выяўлены шэраг іншых парушэнняў, прыцягнута да адказнасці больш за дзясятак грамадзян». У прыватнасці, у «экстрэмісцкай дзейнасці» абвінавацілі былога супрацоўніка юрыдычнай кансультацыі.
«Уладзімір Уладзіміравіч, велізарная просьба: прашу прызваць мяне на СВА». Тыкток-ваяр з Добруша просіцца на фронт
Навошта старшыня ЦВК Карпенка ездзіў да сілавікоў
«Міліцыянтка тайком падклала ў кішэню пакунак з ежаю і шэптам выбачылася, што мала». Грамадзянка Літвы беларускага паходжання 26 дзён правяла на Акрэсціна
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары