Уладзімір Гасцюхін, Мікалай Бурляеў — ніводзін расійскі шавініст не паехаў з фестывалю без узнагароды.
Усе ўжо забылі, калі апошні раз здымаўся мастацкі фільм па-беларуску. Нават «Купалу», стужку пра беларускага класіка, з 2020 года так і не паказалі. На фестывалі «Лістапад» у такіх умовах дамінавалі фільмы з краін з таталітарнымі і аўтарытарнымі рэжымамі.
Гран-пры «Золата Лістапада» атрымаў расійскі фільм «Паляўнічы». Яго зняў рэжысёр з Паўночнай Асеціі Заур Цагоеў.
Спецыяльны прыз Аляксандра Лукашэнкі прысуджаны кітайскаму рэжысёру Чжан Чжуну, паведамляе БелТА.
Цагоеў падзякаваў: «Гэта для нас насамрэч вельмі нечакана, але і прыемна. Перамога важная для нас не толькі як для маладых кінематаграфістаў, але і як для прадстаўнікоў Паўночнай Асеціі. Для нашай рэспублікі гэта будзе добры матыватар, каб развівацца ў мастацтве», — сказаў ён.
Спецыяльны прыз журы конкурсу гульнявых фільмаў атрымала кітайская кінакарціна «Весялосць на базары» (рэжысёр Келіму Абулізі), а прыз глядацкіх сімпатый — расійскі фільм «Мой дзед» (рэжысёр Святаслаў Уласаў). Аднак ва ўмовах татальных фальсіфікацый, у якіх існуе цяпер Беларусь, цяжка сказаць, ці вынікі глядацкага галасавання на фестывалі падлічвалі сумленна.
Прыз «За найлепшае гукавое (музычнае) рашэнне гульнявога фільма» прысуджаны Мануэлю Барыёсу і Эдуарда Гансалесу за фільм «Алі Прымера» (Венесуэла).
Прыз за найлепшую мужчынскую ролю атрымаў верны лукашэнкавец, народны артыст Беларусі Уладзімір Гасцюхін за фільм «Мой дзед» (Расія), а за найлепшую жаночую ролю — Святлана Кручкова за фільм «Двое ў адным жыцці, не лічачы сабакі» (Расія).
Уладальнікам прыза за найлепшую аператарскую работу імя Юрыя Марухіна стаў Мартэза Кафуры за фільм «Лавец у жыце» (Іран), а за найлепшую рэжысуру імя Міхаіла Пташука — Крыстыян Петцальд за фільм «Адлюстраванні №3» (Германія).
У конкурсе негульнявых фільмаў пераможцам стала карціна «Мікіта» (Расія, рэжысёры Мікалай Бурляеў, Дзмітрый Чарняцоў).
Спецыяльны прыз журы конкурсу негульнявых фільмаў атрымала кінастужка «Цётухна Ху і яе райскі сад» (Кітай, рэжысёр Пань Чжыці).
Найлепшым фільмам конкурсу анімацыйных стужак стала карціна «Казка Іскрынкі» (Расія, рэжысёр Анастасія Ліс).
У намінацыі нацыянальных кінашкол перамагла кінастужка «Але любоў з іх большая» (Расія, рэжысёр Кіра Неміровіч-Данчанка).
Прыз за найлепшы фільм імя Віктара Турава ў конкурсе «Кіно маладых» атрымаў фільм «Бананавы сад» (Іран, рэжысёр Рэза Кешаварз Хадад).
Лепшым негульнявым фільмам нацыянальнага конкурсу стала кінакарціна «Жыццё маё — «Харошкі». Валянціна Гаявая» (Беларусь, рэжысёр Анжаліка Новікава).
Прыз за найлепшы фільм конкурсу кароткаметражных фільмаў атрымала кітайская кінакарціна «Сапсаваная вясна» (рэжысёр Цю Юй), а дыплом «Па выніках глядацкага галасавання» — фільм «І цяпер я саступаю» (ЗША, рэжысёр Рані ДэМут).
Арыштаваны 75‑гадовы Зміцер Санько — ветэран-выдавец3
Каментары