Kaścioł dazvalaje heta pry ŭmovie, što «nie ŭźniknie situacyj, jakija mohuć vyklikać publičny skandał ci dezaryjentacyju siarod viernikaŭ».
Rymska-katalicki kaścioł vypuściŭ tłumačeńnie vatykanskaj Dykasteryi daktryny viery, u jakim havorycca, što transseksuały, jak i lubyja vierniki, mohuć prymać chryščeńnie, a taksama być chrosnymi baćkami i śviedkami padčas šlubu, paviedamlaje «Nastojaŝieje vriemia».
Adznačajecca, što carkva dazvalaje heta pry ŭmovie, što «nie ŭźniknie situacyj, jakija mohuć vyklikać publičny skandał ci dezaryjentacyju siarod viernikaŭ».
Taksama ŭ Dykasteryi paznačana, što transseksuał, jak i homaseksuał, moža być śviedkam padčas cyrymonii šlubu. Dla chryščeńnia dziciaci, jakoje vychoŭvajecca ŭ homaseksualnych siemjach, nieabchodna «abhruntavanaja nadzieja, što jon atrymaje adukacyju ŭ katalickaj relihii».
Pavodle rašeńnia Archijerejskaha sabora, Ruskaja pravasłaŭnaja carkva (RPC) nie pryznaje šlubaŭ, układzienych asobami adnaho połu, a taksama nie dapuskaje šlubaŭ tych, chto źmianiŭ poł. Homaseksuał moža pryniać chryščeńnie, ale pry ŭmovie, što čałaviek «prykłaŭ usie namahańni, kab vyznavać hety hrech».
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary