Vydańnie «Lusterka» siońnia apublikavała navinu pra toje, što mastaku i dyzajnieru Uładzimiru Ceśleru nibyta telefanavali z administracyi Łukašenki i prasili viarnucca ŭ Biełaruś. Ale navina akazałasia fejkam.
Pavodle słoŭ čałavieka, jaki pradstaviŭsia Uładzimiram Ceśleram, łukašysty nibyta apracoŭvajuć vialikuju hrupu dziejačaŭ kultury i sportu, ahułam 500 čałaviek, i prapanujuć im viarnucca ŭ Biełaruś za hrošy i amnistyju.
Siensacyjnaja infarmacyja, adnak, akazałasia niedakładnaj, pra što samo «Lusterka» paviedamiła nieŭzabavie paśla taho, jak materyjał źjaviŭsia na sajcie i pačaŭ pašyracca. Heta adbyłosia z-za taho, što žurnalisty naležnym čynam nie pravieryli infarmacyi pierad publikacyjaj.
U suviazi z hetym «Lusterka» pryniesła svaim čytačam i samomu Uładzimiru Ceśleru svaje prabačeńni.
Ciapier čytajuć
Bližejšym časam buduć vyzvaleny bolš za 150 palitźniavolenych7
Kamientary