Hienprakuratura raspaviała pra čarhovaje pasiadžeńnie «kamisii pa viartańni»
Pad staršynstvam Hienieralnaha prakurora Andreja Švieda adbyłosia čarhovaje pasiadžeńnie tak zvanaj kamisii pa razhladzie zvarotaŭ hramadzian, jakija znachodziacca za miažoj, «pa pytańniach učynieńnia imi pravaparušeńniaŭ, piša Hienprakuratura.
Kolki mienavita zvarotaŭ było razhledžana, Hienprakuratura nie paviedamlaje, ale raskazvaje pra dva.
U adnym vypadku kamisija razhledzieła spravu žančyny, jakaja «ščyra žadaje viarnucca na Radzimu da siamji, małaletniaj dački i sastarełych baćkoŭ, jakija majuć patrebu ŭ jaje kłopacie i dapamozie».
U zvarocie žančyna «pryviała źviestki ab ščyrym raskajańni, hatoŭnaści prynieści publičnyja prabačeńni i pakryć škodu».
Kamisija pryznała «metazhodnaść zamieny ŭ dačynieńni da jaje miery strymańnia ŭ vyhladzie ŭziaćcia pad vartu bolš miakkaj».
Jašče adzin čałaviek źviarnuŭsia, bo baicca viartacca ŭ krainu z-za taho, što ŭ 2020 hodzie «ŭdzielničaŭ u niesankcyjanavanych mitynhach, dvarovych schodach, vyviešvaŭ bieł-čyrvona-biełyja pałotny, vykazvaŭ niedavier da vynikaŭ vybaraŭ». Ciapier pieraasensavaŭ i «hatovy nieści adkaznaść i vykonvać Kanstytucyju, zakony svajoj krainy».
Kamisijaj, piša Hienprakuratura, padrychtavany adkaz ab adsutnaści ŭ dačynieńni da čałavieka raspačataha administracyjnaha pracesu, zaviedzienaj kryminalnaj spravy i h. d.
Hienprakuratura zrabiła pracu kamisii tajemnaj i nie paviedamlaje, kolki zajaŭ pastupiła za čas jaje pracy.
U lipieni kibierpartyzany pisali, što za 5 miesiacaŭ pracy kamisii svaje dakumienty tudy dasłali 16 čałaviek. Z 16 zajavak uchvalili tolki dźvie — ad maci Ramana Pratasieviča i Filipa Davydava, jakoha pakazali prapahandysty na BT.
U mai hienieralny prakuror Andrej Švied zajaŭlaŭ, što ŭ kamisiju pa viartańni pastupiła bolš za 70 zvarotaŭ.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy6
Kamientary
Čieriez tiuŕmy prohnali 70 tysiač, kak minimum - 2000 tysiači posažieny do 2026 hoda !, nikto nie miešajet vrať, łhať, oskorblať, falsificirovať i duračiť !
Vsiech pobiedili, an niet, strašno i vojujem s Narodom dalšie.