Dva biełaruskija chakieisty zhulali ŭ matčy NCHŁ na adkrytym pavietry pry 50 tysiačach hledačoŭ
Siońnia ŭ kanadskim Edmantanie prajšła hulnia pamiž «Edmantan Ojlerz» i «Kałhary Fłejmz». Matč, jaki mieŭ nazvu «Kłasika spadčyny», prajšoŭ pad adkrytym niebam u honar 20-hodździa pieršaj takoj hulni ŭ Nacyjanalnaj chakiejnaj lizie.
Pierad hulnioj adbyłosia muzyčnaje šou. U matčy ŭdzielničali biełaruskija hulcy «Kałhary»: abaronca Ilja Sałaŭjoŭ i forvard Jahor Šaranhovič.
Sałaŭjoŭ pravioŭ matč u druhoj pary abaroncaŭ. Na placoŭcy jon pravioŭ 16 chvilin i 36 siekundaŭ, na jaho rachunku dva siłavyja pryjomy, kaeficyjent karysnaści «-3».
Šaranhovič zhulaŭ u čaćviortaj trojcy napadu. Jon pravioŭ na lodzie 9 chvilin i 23 siekundy, zrabiŭ dva kidki pa varotach, kaeficyjent karysnaści «-1».
«Kałhary» prajhraŭ 2:5.
Upieršyniu matč na adkrytym pavietry «Kłasika spadčyny» byŭ zhulany ŭ siezonie 2003/2004. Tady 22 listapada 2003 hoda na stadyjonie Sadružnaści ŭ Edmantanie «Ojlerz» sustreŭsia z «Manreal Kanadyjens». Tady byŭ maroz -18°C, ale pajadynak sabraŭ 57 167 hledačoŭ.
Trahiedyja ŭ Anhlii. Eks-hulec NCHŁ pamior z-za strašnaha parezu šyi padčas matča
U Biełarusi stvaryli žanočy chakiejny čempijanat. Tam budzie ŭsiaho try kamandy, i heta niešta mocna nahadvaje
Jašče adzin biełarus debiutavaŭ u Nacyjanalnaj chakiejnaj lizie
Jahor Šaranhovič zakinuŭ svaju pieršuju šajbu za «Kałhary Fłejmz»
Udava chakieista Rusłana Saleja pakazała fota svaich darosłych dziaciej
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary