Sport11

U Biełarusi stvaryli žanočy chakiejny čempijanat. Tam budzie ŭsiaho try kamandy, i heta niešta mocna nahadvaje

Kamandy stvoranyja pavodle hieahrafičnaha pryncypu.

Vyjava: hockey.by

Upieršyniu ŭ historyi biełaruskaha chakieja zasnavana Liha žanočaha chakieja, paviedamlaje Fiederacyja chakieja Biełarusi.

Buduć sfarmiravanyja try kamandy, skampanavanyja pa hieahrafičnym pryncypie:

  • kamanda, jakaja pradstaŭlaje pieravažna staličny rehijon;
  • kamanda, jakaja pradstaŭlaje zachodni i centralny rehijony, u skład jakoj uvajšli chakieistki Hrodzienskaj, Bresckaj i Minskaj abłaściej;
  • kamanda paŭnočnaha i ŭschodniaha rehijonaŭ, jakaja abjadnała spartsmienak ź Viciebskaj, Mahiloŭskaj i Homielskaj abłaściej.

Usie kamandy praviaduć pa 16 matčaŭ za siezon, jakija ŭkładuć u čatyry hulniavyja tydni: adzin vosieńniu, adzin zimoj i dva viasnoj.

Pa vynikach rehularnaha čempijanatu buduć vyznačany dva finalisty, jakija razyhrajuć zvańnie čempijona ŭ finalnaj sieryi. Pry hetym kamandzie, jakaja zaniała pieršaje miesca pa vynikach rehularki, budzie dastatkova adnoj pieramohi. Kamandzie ž, jakaja zaniała druhoje miesca, dla zavajovy załatych miedaloŭ treba budzie pieramahčy dvojčy.

Start čempijanatu — 30 kastryčnika.

Heta nahadvaje chakiejny mužčynski čempijanat u HDR.

Tam pieršy čempijanat byŭ razyhrany ŭ 1949 hodzie, i pieršapačatkova ŭ vyšejšaj lizie było siem kamandaŭ, byŭ navat druhi dyvizijon. Tak było da 1969 hoda. Pierad hetym prava na praviadzieńnie letniaj Alimpijady 1972 hoda atrymaŭ Miunchien (FRH), i kiraŭnictva HDR vyrašyła, što heta šaniec atrymać pryznańnie ŭ sporcie. Kiraŭnictva sacyjalistyčnaj krainy paličyła, što pośpiechu ŭ indyvidualnych vidach sportu dabicca kudy lepiej, čym u kamandnych. Sport u HDR zaznaŭ mocnuju reformu, chakiej byŭ adniesieny da małacikavaj druhoj katehoryi. Fiederacyja chakieja była rasfarmavanaja, a kamandy raspuščanyja.

Adnak pa inicyjatyvie ministra dziaržaŭnaj biaśpieki Erycha Milkie pakinuli dźvie kamandy: «Dynama» Bierlin i «Dynama» Vajsvasier (haradok kala Drezdena).

I 20 hadoŭ hetyja dźvie kamandy razyhryvali pamiž saboj pieršynstvo.

U rozny čas kłuby pravodzili pamiž saboj ad 6 da 12 matčaŭ, u kancy 1980-ch užo pajavilisia sieryi ź niekalki matčaŭ. Taksama ŭ kancy 1980-ch uźnikła ideja dałučeńnia treciaha kłuba z Krymičaŭ, ale jana tak i zastałasia idejaj. A ŭ 1990-m pamierła HDR.

Kamientary1

  • Josik
    27.10.2023
    Pa-rasiejsku aformili svaju šyldu. Mała try kamandy, niama sensu vykładacca, usio roŭna miedali buduć. Treba jašče dadać kamandu dyrektara saŭhasa, u jaho atačeńni šmat mocnych dziaŭčyn. Treba jamu padkazać, kab tolki nie staviŭ natallu kačanavu trenieram, zavalić usio, bo chakiej nie moža pa mietadyčcy isnavać. Chaj sam kiruje, u 20-m hodzie spas uvieś śviet ad vajny???, mo i svoj lubimy chakiej źbieraže.

Ciapier čytajuć

Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3

Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier

Usie naviny →
Usie naviny

«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ18

Vyklučeńnie Dana Holdings z sankcyjnaha śpisu ZŠA nie źviazanaje z «mirnymi pieramovami»

Pryznali «ekstremisckimi» sajt i sacsietki Jeŭrapiejskaha humanitarnaha ŭniviersiteta12

U Polščy pačali departavać zatrymanych na kancercie Maksa Karža11

U Rasii abjavili «zamiežnym ahientam» praŭładnaha palitołaha Markava4

Zatrymali dziaŭčynu, jakaja doŭhi čas stałkieryła Alaksandra Rybaka13

U Minsku za «zdradu dziaržavie» na 9 hadoŭ asudzili 60-hadovaha prahramista5

Ukraina naniesła ŭdar pa bazie rasijskich dronaŭ u Krymie1

Vakansija ŭ «Našaj Nivie»: mantažor tyktokaŭ 6

bolš čytanych navin
bolš łajkanych navin

Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3

Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier

Hałoŭnaje
Usie naviny →

Zaŭvaha:

 

 

 

 

Zakryć Paviedamić