U Rasii studenta aryštavali za studencki bilet z emblemaj Pałka Kalinoŭskaha
Na studenta danios supracoŭnik univiersiteta, jaki adkazvaje za mabilizacyjnuju padrychtoŭku.
15 vieraśnia 18-hadovy Daniił u aŭdytoryi Maskoŭskaha instytuta elektronnaj techniki nibyta zajaviŭ, što hramadzianie i ŭrad RF źjaŭlajucca terarystami, u adroźnieńnie ad ukraincaŭ, i skazaŭ «Słava Ukrainie». Pra vykazvańni maładoha čałavieka daviedaŭsia načalnik «druhoha adździeła» VNU Faryd Abdulin, jaki źviarnuŭsia z zajavaj u palicyju, piša telehram-kanał «Ostorožno.novosti».
24 kastryčnika Daniłu zatrymali na prachadnoj instytuta. U studenta pry sabie byŭ propusk u vokładcy BČB-ściaha. Palicejskija zajavili, što ściah źjaŭlajecca simvolikaj Pałka Kastusia Kalinoŭskaha, jaki nibyta źviazany z zabaronienym u Rasii «lehijonam Svaboda Rasii».
Sud aryštavaŭ maładoha čałavieka za vokładku na 5 sutak (tam rastłumačyli, što jon pakazvaŭ propusk padčas pajezdak na elektryčcy va ŭniviersitet, čym prapahandavaŭ ekstremizm), pa druhoj spravie — za frazu «Słava Ukrainie» — aštrafavaŭ na 35 tysiač rasijskich rubloŭ (prykładna 1200 biełaruskich).
Sudovaje rašeńnie, praŭda, daje inšuju viersiju padziej, źviartaje ŭvahu «Miedyjazona».
Tam adznačajecca, što Daniła pry ŭvachodzie va ŭniviersitet pakazaŭ bilet z vokładkaj, na jakoj była emblema Pałka Kalinoŭskaha, jaki nibyta źjaŭlajecca «filijałam padraździaleńnia «Svaboda Rasii», pryznanym u Rasii terarystyčnaj arhanizacyjaj.
Chłopiec nibyta pakazvaŭ hety bilet u čyhunačnych kasach. Sud pryznaŭ jaho vinavatym u demanstracyi zabaronienaj simvoliki (Častka 1 artykuła 20.3 KaAP RF), aryštavaŭ studenta na 5 sutak i kanfiskavaŭ vokładku.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary