Adrazu niekalki aŭkcyjonnych damoŭ vystavili na prodaž karciny Marka Šahała. Samuju darahuju ź ich, «Palot nad horadam», pasprabujuć pradać na viačernim aŭkcyjonie Sotheby's 13 listapada za 12—18 młn dalaraŭ, piša Office Life.
Try raboty mastaka, jaki rodam ź Viciebska, buduć pradavać i na nastupny dzień, 14 listapada, na dzionnym aŭkcyjonie. Siarod hetych karcin — La Fête au cirque («Śviata ŭ cyrku»). U 2017 hodzie rabota La Grand cirque («Vialiki cyrk») ź sieryi karcin mastaka, pryśviečanych cyrku, pajšła z małatka za 16 młn dalaraŭ.
Na sajcie aŭkcyjonnaha doma Christie's z 11 pa 24 kastryčnika prachodziać tarhi sučasnaha mastactva — tam pradstaŭlena 12 rabot mastaka. Samaja darahaja ź ich — L'arlequin («Arlekin»). Aŭkcyjonny dom acaniŭ jaje ŭ 300—500 tysiač jeŭra.
U hetym ža aŭkcyjonnym domie z 17 pa 30 kastryčnika prachodzić anłajn-aŭkcyjon tvorčaści Marka Šahała — tam upieršyniu pradstaŭlena 78 hraviur mastaka, zroblenych na praciahu 60 hadoŭ. Aŭkcyjonny dom paviedamlaje, što jany, «na dziva, u dobrym stanie».
Najdaražej za ŭsie aceniena kniha Homère L'odyssée («Adysieja» Hamiera) ź ilustracyjami mastaka. Aŭkcyjonny dom Christie's acaniŭ jaje ŭ 50—70 tysiač dalaraŭ.
Dźvie karciny Šahała paśpiachova pradali na Sotheby's, a Sucin da tarhoŭ nie dajšoŭ
Biełaruski mastak Andrej Busieł stvaryŭ murał na płoščy Chaima Sucina ŭ francuzskim Šampińji-siur-Viod
U Paryžy z aŭkcyjonu pradaduć karciny Šahała i Sucina
Karcinu Marka Šahała vystavili na aŭkcyjon u Prazie. Startavaja cana niemałaja
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary