Biełaruski mastak Andrej Busieł stvaryŭ murał na płoščy Chaima Sucina ŭ francuzskim Šampińji-siur-Viod
Francuzski daśledčyk tvorčaści Chaima Sucina Mišel Lebren Franzaroli raskazaŭ u svaim fejsbuku pra biełaruskuju delehacyju, jakaja ŭziała ŭdzieł u mierapryjemstvach pamiaci Chaima Sucina ŭ francuzskaj vioscy Šampińji-siur-Viod, dzie mastak pražyŭ apošnija miesiacy svajho žyćcia, piša Reform.by.

Biełarusy praviali niekalki cikavych imprez dla miascovych dziaciej i darosłych, zapisali šmathadzinnaje videa, nieabchodnaje dla budučaha filma pra znakamitaha mastaka, narodžanaha ŭ Biełarusi, i pakinuli murał na płoščy Sucina.
Jaho aŭtaram źjaŭlajecca Andrej Busieł, biełaruski stryt-art mastak. Asnovaj dla jaho tvora staŭ fotapartret Chaima Sucina 1927 hoda.
U Šampińji-siur-Viod Chaim Sucin chavaŭsia ad nacystaŭ padčas Druhoj suśvietnaj vajny. Adtul jaho, ciažka chvoraha, pieravieźli ŭ Paryž, dzie jamu zrabili apieracyju z-za prabadzieńnia jazvy straŭnika. Ale było pozna: praz dva dni — 9 žniŭnia 1943 hoda — jon pamior. Pachavany ŭ Paryžy na mohiłkach Manparnas.
Hałoŭnaja centralnaja płošča Šampińji-siur-Viod nosić imia Chaima Sucina, taksama ŭ jaho honar nazvanaja aleja.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Kamientary