Zimovaja Alimpijada ŭpieršyniu projdzie na terytoryi niekalkich krain
Arhanizataram Alimpijady ŭ Italii nie ŭdałosia znajści srodki na rekanstrukcyju sanna-babślejnaj trasy, na jakoj prachodzili hulni ŭ 1956 hoda. U hetaj suviazi spabornictvy pa troch vidach projduć pa-za miežami Italii. Pra heta na siesii Mižnarodnaha alimpijskaha kamiteta (MAK) u Indyi zajaviŭ kiraŭnik arhkamiteta najbližejšych zimovych hulniaŭ Džavani Małaha, piša RBK.
Arhanizataram nie ŭdałosia znajści srodki na rekanstrukcyju sanna-babślejnaj trasy Eŭdženia Monci, na jakoj płanavalisia spabornictvy. Na hetaj trasie prachodzili hulni 1956 hoda. Tak, Alimpijada-2026 stanie pieršymi zimovymi hulniami, jakija projduć na terytoryi niekalkich krain.
Imavierna, heta buduć Aŭstryja i Šviejcaryja.
«Dva dni tamu ŭrad Italii paviedamiŭ nam, što najlepšym vychadam ź situacyi budzie rašeńnie razhledzieć pytańnie ab pieranosie spabornictvaŭ na ŭžo isny abjekt. U hetaj suviazi arhkamitet pavinien vyznačycca z abjektam pa-za miežami Italii. My ŭžo pracujem nad vyvučeńniem usich mahčymych rašeńniaŭ», — skazaŭ Małaha.
U babślei na Alimpijadzie 2026 hoda buduć razyhrany čatyry kamplekty ŭznaharod, u sannym sporcie — piać, u skieletonie — try.
Zimovyja Alimpijskija hulni ŭ 2026 hodzie projduć z 6 da 26 lutaha ŭ Miłanie i Karcina-d'Ampieca.
Heta budzie treciaja Zimovaja Alimpijada ŭ Italii. U 1956-m Zimovyja hulni prymała mienavita Karcina-d'Ampieca, u 2006 hodzie Hulni prajšli ŭ Turynie.
Taksama ŭ Rymie ŭ 1960 hodzie prajšła Letniaja Alimpijada.
Rašeńnie ab udziele biełarusaŭ u Alimpijadzie-2024 nie budzie pryniata vosieńniu — MAK
Mižnarodnuju baksiorskuju asacyjacyju, jakaja dazvoliła biełaruskim spartsmienam vystupać pad dziaržaŭnaj simvolikaj, vyklučyli z alimpijskaha ruchu
Čempijanat Jeŭropy pa futbole ŭ 2028 hodzie projdzie na terytoryi piaci asacyjacyj
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary