Rašeńnie ab udziele biełarusaŭ u Alimpijadzie-2024 nie budzie pryniata vosieńniu — MAK
Spartoŭcy ź Biełarusi i Rasii znachodziacca pad zachodnimi sankcyjami paśla pačatku poŭnamaštabnaj vajny Rasii va Ukrainie.
Mižnarodny alimpijski kamitet (MAK) nie prymie rašeńnia pra ŭdzieł atletaŭ ź Biełarusi i RF u Alimpijadzie-2024 u Paryžy na siesii ŭ kastryčniku, paviedamiŭ kiraŭnik arhanizacyi Tomas Bach žurnalistam, jak piša «Sputnik».
Raniej u kamitecie zajaŭlali, što biełaruskija i rasijskija alimpijskija kamitety nie atrymajuć zaprašeńniaŭ na hulni ŭ raniej vyznačanuju datu — 26 lipienia 2023 hoda. Adznačałasia, što kančatkovaje rašeńnie hetaha pytańnia moža być pryniata ŭ kastryčniku na siesii Mižnarodnaha alimpijskaha kamiteta. Bach źviarnuŭ uvahu na toje, što rašeńnie budzie zaležać ad raźvićcia situacyi.
«My bačym, jak nacyjanalnyja fiederacyi vykonvajuć našy ŭmovy dla zabieśpiačeńnia ŭdziełu niejtralnych i indyvidualnych spartsmienaŭ. My praciahniem sačyć za hetym, a zatym pahladzim, jak usie datyčnyja asoby vykonvajuć litaru i duch hetych umoŭ. Abapirajučysia na vynik, my zatym prymiem u svoj čas rašeńnie, i heta nie adbudziecca ŭ kastryčniku», — udakładniŭ kiraŭnik MAK.
Alimpijada ŭ Paryžy pavinna prajści z 26 lipienia pa 11 žniŭnia 2024 hoda, Paralimpijskija hulni — z 28 žniŭnia pa 8 vieraśnia. Całkam vierahodna, što rasijan i biełarusaŭ dapuściać da hulniaŭ u niejtralnym statusie.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ8
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary
Ukraina ponad usym, čio! 🇺🇦