Арганізатарам Алімпіяды ў Італіі не ўдалося знайсці сродкі на рэканструкцыю санна-бабслейнай трасы, на якой праходзілі гульні ў 1956 года. У гэтай сувязі спаборніцтвы па трох відах пройдуць па-за межамі Італіі. Пра гэта на сесіі Міжнароднага алімпійскага камітэта (МАК) у Індыі заявіў кіраўнік аргкамітэта найбліжэйшых зімовых гульняў Джавані Малага, піша РБК.
Арганізатарам не ўдалося знайсці сродкі на рэканструкцыю санна-бабслейнай трасы Эўджэніа Монці, на якой планаваліся спаборніцтвы. На гэтай трасе праходзілі гульні 1956 года. Так, Алімпіяда-2026 стане першымі зімовымі гульнямі, якія пройдуць на тэрыторыі некалькіх краін.
Імаверна, гэта будуць Аўстрыя і Швейцарыя.
«Два дні таму ўрад Італіі паведаміў нам, што найлепшым выхадам з сітуацыі будзе рашэнне разгледзець пытанне аб пераносе спаборніцтваў на ўжо існы аб'ект. У гэтай сувязі аргкамітэт павінен вызначыцца з аб'ектам па-за межамі Італіі. Мы ўжо працуем над вывучэннем усіх магчымых рашэнняў», — сказаў Малага.
У бабслеі на Алімпіядзе 2026 года будуць разыграны чатыры камплекты ўзнагарод, у санным спорце — пяць, у скелетоне — тры.
Зімовыя Алімпійскія гульні ў 2026 годзе пройдуць з 6 да 26 лютага ў Мілане і Карціна-д'Ампеца.
Гэта будзе трэцяя Зімовая Алімпіяда ў Італіі. У 1956-м Зімовыя гульні прымала менавіта Карціна-д'Ампеца, у 2006 годзе Гульні прайшлі ў Турыне.
Таксама ў Рыме ў 1960 годзе прайшла Летняя Алімпіяда.
Цяпер чытаюць
Літовец Віталіюс Моцкус заняў пасаду Стрыжака ў «Байсоле». Хто гэта такі?34
Каментары