Nie tolki djabał nosić Prada. Viadomy brend adzieńnia budzie vyrablać skafandry i dla astranaŭtaŭ NASA
Italjanski raskošny dom mody Prada pačaŭ aficyjna supracoŭničać z adnoj ź viadučych kampanij pa vytvorčaści kaśmičnaha abstalavańnia Axiom Space. Hałoŭnaja meta takoha sajuza — stvareńnie skafandraŭ dla novaj misii kaśmičnaha ahienctva NASA na Miesiacy. Pra heta dniami paviedamiła sama kampanija Axiom Space na svaim sajcie.
Novyja skafandry ad Prada i Axiom Space pad nazvaj Axiom Extravehicular Mobility Unit (AxEMU), pa zadumcy stvaralnikaŭ, pavinny nie tolki «zabiaśpiečyć abaronu astranaŭtaŭ ad unikalnych ryzyk kosmasu i pavierchni Miesiaca», ale i «pavinny być kamfortnymi, padkreślivać čałaviečy siłuet i mieć funkcyjanalny dyzajn».
«Skafandry AxEMU buduć zabiaśpiečvać bolš hnutkaści i bolš abarony ad surovaha kaśmičnaha i miesiacovaha asiarodździa. Taksama jany buduć mieć ubudavanyja śpiecyjalnyja instrumienty dla navukovych daśledavańniaŭ. Adnym słovam, vyvučeńnie Miesiaca stanie lepšym, čym kali-niebudź», — zajavili ŭ kampanii Axiom Space.
U svaju čarhu pradstaŭniki modnaha doma Prada dadali, što dla ich vialiki honar być častkaj novaj misii NASA na Miesiacy, jakaja «stanie sapraŭdnym śviatam siły čałaviečaj tvorčaści i inavacyj u ramkach prasoŭvańnia čałaviečaj cyvilizacyi napierad».
Nahadajem, što etap novaj kamičnaj prahramy NASA pad nazvaj «Artemida-3», jaki zapłanavany na 2025 hod i dla jakoha buduć vyrablać skafandry ad Prada i Axiom Space, u vypadku pośpiechu znoŭ viernie čałaviectva na Miesiac (upieršyniu z zakančeńnia misii «Apałon-17» u 1972 hodzie).
Taksama heta budzie pieršaj u historyi kaśmičnaj misijaj, kali na Miesiac palacić i astranaŭt-žančyna.
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyja9
Kamientary