Pieršapačatkova adkryćcio hetaha handlovaha centra na poŭdni stalicy, zvonku bolš padobnaha da kazačnaha zamka, płanavałasia 1 červienia.
Handlovy centr «Sienica», raźmieščany kala minskaj kalcavoj aŭtadarohi ŭ rajonie Kurasoŭščyny, adkryŭsia 4 kastryčnika.
Žurnalisty Tochka.by źjeździli na abjekt i pahladzieli, što tam jość. Naprykład, šerahi harodniny i miasa, krama kvietak, adździaleńnie banka.
Jość unutry i dziciačaja placoŭka.
Pa źviestkach Tochka.by, jašče adnym arandataram stanie «Junistor», ale hetaja infarmacyja aficyjna pakul nie paćvierdžanaja.
Terytoryja handlovaha centra zajmaje 10 hiektaraŭ. Jak čakajecca, drobnaaptovy i roźničny dyskaŭntar płoščaj 2700 kvadratnych mietraŭ stanie jakarnym arandataram.
Dla pakupnikoŭ praduhledžana parkoŭka na 1500 mašyna-miescaŭ, dla arandataraŭ — zona razhruzki, abstalavanaja ŭraŭnialnymi płatformami z hiermietyzataram prajoma.
Kamientary