«Tekst napisaŭsia razam sa ślaźmi pa spačyłym». Andruś Takindanh raspavioŭ pra pieśniu pamiaci Mirasłava Łazoŭskaha
Naprykancy vieraśnia biełaruski muzyka Andruś Takindanh prezientavaŭ klip na svaju novuju pieśniu «Šery kamień». Hety tvor jon pryśviaciŭ Mirasłavu Łazoŭskamu — biełaruskamu vajaru, jaki zahinuŭ 16 traŭnia 2023 hoda ŭ bai pad Bachmutam, piša «Budźma».
«U Minsku Mirasłaŭ zajmaŭsia kulturaj, raspaŭsiudžvaŭ knihi. Ja časam sustrakaŭ jaho na kancertach, imprezach. Zasiarodžany, spakojny, jon vyhladaŭ jak šery mocny kamień», — raspaviadaje Andruś Takindanh pra historyju stvareńnia pieśni, jakuju nazyvaje epitafijaj.
Muzyka kaža, što asnoŭnaja fraza tekstu i ziernie miełodyi naradzilisia ŭ hałavie adrazu jak reakcyja na sumnuju navinu. Zatym užo dapisvalisia kuplety i prydumvałasia aranžyroŭka.
«Śmierć Mirasłava dałučyłasia da inšych biełaruskich strat, tryvoh, pakut. Ja nie čakaŭ takoj naviny i byŭ mocna ahałomšany. Tekst pieśni napisaŭsia razam sa ślaźmi pa spačyłym.
Dla mianie kožny suajčyńnik — heta kaštoŭny skarb. Ja chacieŭ by, kab usie biełarusy zachavali žyćcio i zdaroŭje, ale zdarajucca takija situacyi, kali niechta adzin achviaruje saboj, kab źbierahčy inšych».
«Na žal, nas čakaje jašče šmat muzyčnych epitafij…»
Videa da pieśni stvaraŭ Jaŭhien Kurylčyk. Bolšaści jon viadomy jak muzyka, ale na dosyć vysokim uzroŭni zajmajecca i zdymkami. Andruś praciahvaje:
«Ja nie viedaju, jak zdymać klipy na takuju temu, tamu my pajšli pa samym vidavočnym šlachu — ja prosta zaśpiavaŭ na kamieru. Viadoma, mnie nie ŭdałosia całkam paźbiehnuć tryvijalnaści i pafasnaści, ale ziernie, zakładzienaje ŭ pieśni — heta maja praŭdzivaja emocyja. Na žal, nas čakaje jašče šmat muzyčnych epitafij ad roznych artystaŭ. Taki čas…»
Biaskoncaja luboŭ da ludziej
Za niekalki dzion klip Andrusia Takindanha nabraŭ niamała kranalnych vodhukaŭ:
«Mnie padabajecca, jak vy pieraplatajecie takuju «lohkuju», «letniuju» (u dobrym sensie) muzyku z takimi važnymi, hruntoŭnymi dumkami i słovami. Ad vašych piesień idzie biaskoncaja luboŭ da ludziej. Dziakuj!»
«Ščyry dziakuj spadar Andrej za kranalny, hłyboki tvor! Mocna!»
«Sapraŭdy, vielmi kranaje!»
Pieśnia «Šery kamień» uvojdzie ŭ novy albom Andrusia Takindanha, nad jakim muzyka ciapier aktyŭna pracuje.
«Hieroj Biełarusi, jaki zahinuŭ u Bachmucie». Vyjšaŭ film da 50-hodździa Mirasłava Łazoŭskaha
Mirasłavu Łazoŭskamu siońnia mahło b spoŭnicca 50 hadoŭ
Rečy Mirasłava Łazoŭskaha pieradali ŭ Nacyjanalny muziej historyi Ukrainy
Mirasłava Łazoŭskaha paśmiarotna ŭznaharodzili ordenam Žaleznaha rycara — najvyšejšaj uznaharodaj BNR
«Kali ja zahinu, pachavajcie moj popieł pad lubym dubam». Pabracim zhadvaje Mirasłava Łazoŭskaha
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary