Čamu vyzvaleńnie Andrejeŭki, ad jakoj nie zastałosia žyvoha miesca, važnaje dla USU
Heta pryncypovaja łahistyčnaja arteryja dla rasijskich vojskaŭ.
Jašče 20 maja rasijskija ŭłady zajavili, što Bachmut całkam uziaty. Adnak ukrainskaje vajskovaje kamandavańnie raspaŭsiudziła ŭłasnuju zajavu. Kamandujučy Uschodniaj hrupoŭkaj vojskaŭ hienierał Alaksandr Syrski sprahnazavaŭ, što rasiejcy tut «patrapiać u pastku», nahadvaje Bi-bi-si.
Reč u tym, što ŭ siaredzinie maja USU pačali aktyŭny ruch na fłanhach Bachmuta — z metaj uziać rasijski harnizon u apieratyŭnaje akružeńnie. Najvažniejšy ŭčastak tut prachodzić pobač ź siołami Klaščejeŭka, Andrejeŭka i Kurdziumaŭka. Jany lažać pobač z čyhunkaj i aŭtadarohaj (T0513), jakaja złučaje Bachmut z akupavanaj Horłaŭkaj.
Heta pryncypovaja łahistyčnaja arteryja dla rasijskich vojskaŭ. Jaje pierarazańnie pastavić vojska RF u vielmi ciažkaje stanovišča ŭ Bachmucie i susiednim Saladary.
Ułasna, adnosna biaśpiečnaj u takim vypadku zastajecca tolki adna trasa — na miastečka Papasnaja. Ale kali paśla vyzvaleńnia Klaščejeŭki, Andrejeŭki i Kurdziumaŭki ŭkrainskija siły praciahnuć ruch na ŭschod, to całkam imavierna, što voźmuć jaje pad ahniavy kantrol.
Tady rasijskija vajskoŭcy buduć vymušanyja terminova vyvodzić svaje vojski z Bachmuta, kab nie patrapić u poŭnaje akružeńnie.
Ułasna, mienavita kala Andrejeŭki bajcam USU i ŭdałosia ŭ siaredzinie lipienia prarvać abarončyja paradki praciŭnika i pierasiekčy kanał Sievierski Daniec — Danbas.
Tak jany stvaryli płacdarm na jaho ŭschodnim bierazie, a zatym ukrainskija vajskoŭcy pačali pastupova vyciaśniać rasijskija siły z terytoryi pamiž Klaščejeŭkaj i Andrejeŭkaj.
Vojski RF sprabavali kontratakavać, ale ŭsie sproby paciarpieli niaŭdaču.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary