Kitaizacyja biełaruskaha aŭtarynku nabiraje abaroty. Čamu tak adbyvajecca?

Nie Geely adziny

Biełaruska-kitajskija Geely zajmajuć pieršy radok u śpisie samych pradavanych novych aŭto aficyjnymi dyleram. A kab ich nabyć, treba čakać u čarzie ad 1 da 6 miesiacaŭ. Razam z hetym u Minsku adkryvajucca aŭtasałony raniej nieviadomych dla nas marak z Padniabiesnaj — Exeed, Voyah i inš. A tam, dzie raniej pradavali Mazda, ciapier pradajuć kitajskija JAC.

Biełaruski aŭtabiznes pašyraje hieahrafiju

Kampanii, jakija raniej śpiecyjalizavalisia na pryhonie aŭto ź Jeŭropy i/abo ZŠA, pastupova pačynajuć pašyrać hieahrafiju pracy. Aproč užo zvykłych Jeŭropy, ZŠA i Kanady, biełaruskim aŭtaamataram prapanujuć nabyvajuć aŭto na zamovu z Karei, a apošnim časam jašče i z Kitaja.

I kali z Karejaj usio adnosna zrazumieła, bo tam jość takija suśvietnyja brendy, jak KIA i Hyundai, to bolšaść kitajskich marak zastajucca ŭsio jašče małaviadomymi na suśvietnym uzroŭni.

Tym nie mienš, kampanii, jakija jašče ŭčora kazali, što nie moža być ničoha lepšaha za aŭto ź Jeŭropy ci z ZŠA, pačynajuć aktyŭna prasoŭvać mašyny kitajskaj vytvorčaści.

Pavialičyć

Z Kitaja ŭ Biełaruś na zamovu ŭ asnoŭnym viazuć elektramabili. I heta nie zaŭždy tolki aŭtamabili kitajskich brendaŭ. Siarod prapanoŭ jość, naprykład, Volkswagen kitajskaj zborki.

Adnyja pasredniki paznačajuć, što zamoŭleny aŭtamabil dabiarecca z Kitaja ŭ Minsk usiaho za adzin miesiac. Inšyja ahučvajuć bolš realistyčnyja terminy ŭ 2,5—3 miesiacy.

Pavialičyć

Ludzi, jakija ŭžo advažylisia na kuplu aŭto z Kitaja, kažuć, što zamoŭlenyja aŭtamabili prychodzili ŭ Minsku praz 2—2,5 miesiaca z momantu raźliku za aŭto.

Dla tych, chto nie hatovy čakać, pakul aŭtamabil dabiarecca da Biełarusi, źjaŭlajecca ŭsio bolš pradaŭcoŭ, jakija prapanujuć «kitajskija» aŭtamabili ŭ najaŭnaści.

Pavialičyć

Siarod prapanoŭ možna adšukać jak čystakroŭnych «kitajcaŭ», nakštałt BYD, SMR, Voyah, Polestar i inš., tak i zvykłyja nam VW, Honda. Praŭda, što tyčycca VW, to pradajucca nie tolki madeli liniejki ID, jakija źjaŭlajucca suśvietnymi, ale i takija, jak Volkswagen E-Lavida, anałahaŭ jakoj niama na rynkach Jeŭropy ci ZŠA.

Ale aproč multybrendavych aŭtasałonaŭ, novyja i patrymanyja aŭtamabili z Kitaja pradajuć i fizičnyja asoby — tak zvanyja «šeryja imparciory».

Pavialičyć

Na prodaž z Kitaja biełarusy pryvoziać jak adnosna tannyja aŭtamabili typu Changan Benben E-star za 18 tysiač dalaraŭ, tak i elektramabili marki Zeekr koštam ad 60 tysiač dalaraŭ. Jak vynikaje z apisańniaŭ, častka mašyn uvieziena pad 0% myta. Heta značyć, što dla prodažu takich aŭto na RF treba dapłacić 15% myta. Inšyja adrazu razmytnienyja z raźlikam na kupcoŭ z Rasii.

Pavialičyć

Made in China zamiest Made in Russia

Kolkaść prapanoŭ, jak i samich mašyn na vulicach Biełarusi z paznakaj Made in China, za apošnija hod-paŭtara stała zaŭvažna bolšaja. I, hledziačy na raźvićcio situacyi, možna mierkavać, što heta tolki pačatak, bo raniej kala 80% novych aŭto, jakija pradavalisia ŭ Biełarusi, choć i byli zroblenyja ŭ Rasii, ale byli aŭtamabilami suśvietnych brendaŭ. 

Amal usie jany syšli z rasijskaha rynku praz ahresiju suprać Ukrainy. Na ich miescy prychodziać brendy z Padniabiesnaj. Na mahutnaściach, dzie raniej vypuskali aŭtamabili viadomych brendaŭ, pačynajuć vypuskać kitajskija aŭto. Častku ź ich rasijanie vypuskajuć pad ułasnymi brendami, jak u vypadku z «Maskvičom», jaki pa fakcie źjaŭlajecca JAC JS4. Toje samaje z aŭtamabilami marki Evolute, pad jakoj u RF źbirajuć kitajskija Forthing.

Pavialičyć

A jak u inšych krainach?

U Rasii kitaizacyja aŭtarynku taksama adbyvajecca vielmi intensiŭnymi tempami. Kali hod tamu kožnaja piataja novaja mašyna, pradadzienaja na rasijskim rynku, była kitajskaj, to ciapier kožnaja druhaja. Dla paraŭnańnia: u davajennym 2021 hodzie tolki 7,5% ad novych aŭto, pradadzienych u Rasii, prypadali na kitajskija brendy.

U Biełarusi na dolu kitajskich brendaŭ ciapier prychodzicca kala 80% prodažaŭ. Naturalna, što bolšaść ź ich — heta Geely.

Adznačym, što kitajskim aŭtavytvorcam udajecca naraścić prodažy i ŭ inšych krainach. Adnak, naprykład, u krainach Jeŭropy raspaŭsiudžvańnie kitajskich brendaŭ i blizka nie takoje prykmietnaje. Pavodle danych JATO Dynamics, ich dola ŭ prodažach lehkavych aŭtamabilaŭ vyrasła z 0,67% u 2021 hodzie da 1,57% u 2022 hodzie i da 2,37% u pieršaj pałovie 2023 hoda.

Čytajcie taksama:

U Rasii anansavali start prodažaŭ ułasnych elektryčnych minivenaŭ. Što saboj ujaŭlaje rasijska-kitajski «Ivan»

Kitaj upieršyniu staŭ suśvietnym lidaram na rynku aŭto. Jak tak atrymałasia?

U Biełarusi buduć vypuskać kitajskija aŭtamabili jašče adnaho brenda

• 3
• 0
• 5
• 2
• 1
• 5
• 8
• 0