Na prodaž vystavili niedarahuju kvateru ź vidam na hałoŭnaje skryžavańnie Minska. Čas u joj spyniŭsia
Na prodaž vystavili kvateru ŭ samym centry Minska. Ź jaje bałkona adkryvajecca vid na hałoŭnaje skryžavańnie stalicy — skryžavańnie praśpiekta Niezaležnaści i vulicy Lenina. Cana za takuju łakacyju nievialikaja, ale ŭnutry kvatery spyniŭsia čas, tamu tam treba rabić ramont, piša Realt.by.
Kvatera znachodzicca ŭ domie na Niezaležnaści, 22. Jaho pabudavali ŭ 1954 hodzie. Ciapier hety dom mnohim znajomy pa nastupnych ustanovach: «Frajdys», «Svaje», «Il Patya».
Kvatera znachodzicca na čaćviortym paviersie. Ahulnaja płošča — 54,6 kvadrata. Stoli — 3,3 mietra. U jaje voś takaja płaniroŭka:
Choć u kvatery i treba rabić ramont, zatoje ciapier možna zaŭvažyć niekranutyja elemienty interjera jašče z časoŭ zdačy doma. Voś, naprykład, vializnyja dźviery ŭ haścioŭniu.
U haścioŭni na siabie źviartajuć uvahu vintažny stolik, padstaŭka pad televizar i taršer.
U druhim pakoi taksama jość artefakty, naprykład: staraja šviejnaja mašynka, kresła i toj samy siervant.
U kuchni na siabie taksama źviartaje ŭvahu siervant. Hladzicie, kolki na jaho patračana dreva.
Ale hałoŭnaje ŭ hetaj kvatery — heta vid z bałkona. Zašklić jaho vam, darečy, nichto nie daść, ale ŭsio ž.
Sanvuzieł u kvatery paasobny, i tam zrobleny bolš sučasny ramont.
Za kvateru prosiać 109 tysiač dalaraŭ (1996 dalaraŭ za kvadrat). I heta narmalnaja cana dla takoj łakacyi.
A jašče cikava toje, što pradaje kvateru Minskaje haradskoje ahienctva dziaržaŭnaj rehistracyi i ziamielnaha kadastru.
Ceny rastuć, a kolkaść ździełak nabližajecca da rekordu. Što adbyvajecca na rynku žylla i jak novy ŭkaz Łukašenki adabjecca na im
U Hienieralskim domie na praśpiekcie pradajecca dvuchpaviarchovaja kvatera. Płošča — jak u pryvatnaha doma
I navat kuchnia jość dla Barbi. U Minsku pradajecca kvatera niezvyčajnaj formy
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»2
Kamientary