U Hienieralskim domie na praśpiekcie pradajecca dvuchpaviarchovaja kvatera. Płošča — jak u pryvatnaha doma
U viadomym Hienieralskim domie nasuprać parku Čaluskincaŭ pradajecca ŭnikalnaja kvatera — dvuchpaviarchovaja piacipakajovaja stalinka. Tam jość kamin, dva sanvuzły i strohi ramont. Realt.by pahladzieŭ, jak vyhladaje abjekt i kolki jon kaštuje.
Doŭhaja stalinka z dvuch damoŭ na praśpiekcie Niezaležnaści — u narodzie Hienieralski dom — była sprajektavanaja jašče da vajny i budavałasia try hady. Padčas bajavych dziejańniaŭ budynki paciarpieli i pry adnaŭleńni vyrašana było ŭźvieści korpus z pyšnym ampirnym fasadam pamiž damami № 91 i № 93.
U domie № 91 pradajecca dvuchpaviarchovaja kvatera, što raźmiaščajecca na 4 i 5 pavierchach. Jana zajmaje 145 m2.
U kvatery zrobleny dobry ramont. Jana ŭkamplektavana nieabchodnaj meblaj i bytavoj technikaj.
Na pieršym paviersie znachodzicca kuchnia-haścioŭnia z kaminam, žyły pakoj i sanvuzieł. Z asobnaha pakoja jość vychad na bałkon.
Vyšynia stolaŭ — vyšej za try mietry. Na padłozie lažyć parkiet i plitka.
Na druhim paviersie jość try asobnyja žyłyja pakoi i sanvuzieł. Da adnoj spalni prylahaje harderobnaja. Na hetym paviersie ŭstanoŭleny mansardnyja vokny.
Nasuprać doma raźmiaščajecca park Čaluskincaŭ i Bataničny sad. Pobač z domam znachodzicca stancyja mietro.
Kvadratny mietr abydziecca ŭ 2 207 dalaraŭ. Košt kvatery — 320 tysiač dalaraŭ.
Kamientary