Minabarony Armienii paviedamiła, što z 11 da 20 vieraśnia ŭ krainie projduć armiana-amierykanskija vajskovyja vučeńni.
Manieŭry praviaduć u ramkach padrychtoŭki da ŭdziełu ŭ mižnarodnych miratvorčych misijach na bazie navučalnaha centra «Zar» miratvorčaj bryhady Minabarony Armienii. U paviedamleńni havorycca, što vučeńni praduhledžvajuć «apieracyi pa stabilizacyi» pry vykanańni miratvorčych zadač, piša «Mieduza» sa spasyłkaju na Minabarony Armienii.
U Minabarony nazvali metaj vučeńniaŭ «pavyšeńnie ŭzroŭniu ŭzajemadziejańnia padraździaleńnia, jakoje ŭdzielničaje ŭ mižnarodnych miratvorčych misijach u ramkach miratvorčych apieracyj», a taksama «abmien pieradavym vopytam u kiroŭnaj i taktyčnaj kamunikacyi».
U studzieni 2023 hoda premjer-ministr krainy Nikoł Pašynian zajaviŭ, što Armienija ličyć niemetazhodnym praviadzieńnie vučeńniaŭ Arhanizacyi Damovy kalektyŭnaj biaśpieki na terytoryi krainy sioleta. Paźniej jon taksama kazaŭ, što ŭ Jerevana skłałasia ŭražańnie, što hetaja arhanizacyja «sychodzić z Armienii». Jon dapuściŭ, što Armienija moža pryniać rašeńnie ab spynieńni abo zamarožvańni siabroŭstva ŭ ADKB.
U intervju italjanskaj haziecie La Repubblica Pašynian zajaviŭ, što, na jahonuju dumku, zaležnaść Armienii ŭ śfiery biaśpieki ad Rasii była stratehičnaj pamyłkaj.
Taksama armianski premjer-ministr zajaŭlaŭ, što Armienija nie sajuźnik Rasii ŭ jaje vajnie suprać Ukrainy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary