Armianski premjer-ministr zajaviŭ, što Armienija nie sajuźnik Rasii ŭ jaje vajnie suprać Ukrainy. Pra heta jon skazaŭ u intervju češskamu telekanału CNN Prima News jašče padčas vizitu ŭ Čechiju 4 maja, ale jano było apublikavanaje tolki ŭ sieradu i vykładzienaje samim Pašynianam u čaćvier u fejsbuku.
«Pra heta nikoli nie kazałasia ŭsłych, ale ja dumaju, što heta vidać: u vajnie z Ukrainaj my nie sajuźnik Rasii. I naša pačućcio ad hetaj vajny, ad hetaha kanfliktu — niespakoj, bo heta naŭprost upłyvaje na ŭsie našy adnosiny», — zajaviŭ premjer-ministr Armienii Nikoł Pašynian.
«Na Zachadzie zaŭvažajuć, što my sajuźnik Rasii, bolš zaŭvažajuć mienavita heta. A ŭ Rasii bačać, što my im nie sajuźnik u vajnie z Ukrainaj. I atrymlivajecca, što my nikomu nie sajuźnik u hetaj situacyi, a značyć, uraźlivyja. Zdajecca, što jość sposab łaviravać pamiž usimi hetymi sutyknieńniami, ale taksama praŭda ŭ tym, što čym składaniejšaj stanovicca situacyja, tym bolš zvužajecca mahčymaść łaviravańnia. My łavirujem nie tamu, što ŭ nas niama mierkavańnia ab situacyi, a tamu, što ŭ nas, na žal, zanadta šmat kłopataŭ, što nie dazvalaje nam być bolš załučanymi ŭ raźviazvańnie inšych kłopataŭ», — adznačyŭ Pašynian, adkazvajučy na pytańnie ab pazicyi Armienii što da rasijskaj ahresii suprać Ukrainy.
U apošnija miesiacy adnosiny Rasii i Armienii pahoršylisia z-za pazicyi pieršaj pa Nahorna-karabachskim kanflikcie.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary