Armienija pryznaje Nahorny Karabach častkaj Azierbajdžana pry ŭmovie zabieśpiačeńnia biaśpieki armianskaha nasielnictva, zajaviŭ premjer-ministr Armienii Nikoł Pašynian pa vynikach armiana-azierbajdžanskich pieramoŭ, jakija prajšli pry pasiarednictvie ZŠA ŭ Vašynhtonie.
Pavodle jaho słoŭ, Armienija pryznaje terytoryju Azierbajdžana ŭ 86 600 kvadratnych kiłamietraŭ, jakaja ŭklučaje ŭ siabie Karabach. «Ale pry hetym my havorym pra toje, što pytańnie pravoŭ i biaśpieki naroda Nahornaha Karabacha pavinna abmiarkoŭvacca ŭ farmacie Ściepanakiert — Baku», — adznačyŭ jon.
Akramia taho, Pašynian zajaviŭ ab mahčymym vychadzie Armienii z ADKB.
«Kali Armienija de-jure prymie rašeńnie ab vychadzie z ADKB, to heta adbudziecca paśla taho, jak Armienija zafiksuje, što ADKB syšła z Armienii. Taki paradak dnia isnuje, kali ADKB stanie niadziejnaj arhanizacyjaj. Tady my pavinny budziem sami vyrašać svaje pytańni biaśpieki», — cytujuć Pašyniana ŚMI.
Jon dadaŭ, što siabroŭstva ŭ ADKB stvaraje dla Armienii prablemy z zakupkaj vajskovaj techniki i abmierkavańniem pytańniaŭ biaśpieki.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień5
Kamientary