U Bałtyjskim mory ŭpieršyniu praviaduć maštabnyja vučeńni pa adbićci napadaŭ Rasii
«My pasyłajem Rasii vyrazny sihnał ab pilnaści: nie padčas našaj vachty. Nadziejnaje strymlivańnie pavinna ŭklučać u siabie zdolnaść atakavać», — skazaŭ kamandujučy VMS Niamieččyny Jan Kryścijan Kaak.
Bujnyja vajenna-marskija vučeńni, jakija pačnucca 9 vieraśnia ŭ Bałtyjskim mory z udziełam kala 30 karabloŭ i bolš jak 3000 zachodnich vajskoŭcaŭ, upieršyniu adpracujuć adbićcio rasijskaj ataki ŭ rehijonie.
«My pasyłajem Rasii vyrazny sihnał ab pilnaści: nie padčas našaj vachty. Nadziejnaje strymlivańnie pavinna ŭklučać u siabie zdolnaść atakavać», — skazaŭ kamandujučy VMS Niamieččyny Jan Kryścijan Kaak.
Navučańnie budzie doŭžycca dva tydni. U ich plačo ŭ plačo buduć treniravacca vojski ŭsich krain NATA na Bałtyjskim mory, a taksama Šviecyi, jakaja nieŭzabavie stanie členam Aljansu, i niebałtyjskich sajuźnikaŭ — ZŠA, Kanady, Niderłandaŭ, Bielhii i Francyi. Jany buduć adpracoŭvać desantnyja apieracyi i ŭdary z mora pa sušy.
Pa słovach Kaaka, VMS ZŠA adpraviać na vučeńni karabiel «Miesa Vierde» daŭžynioj bolš za 200 mietraŭ, pryznačany dla transparciroŭki i desantavańnia kala 800 marskich piechacincaŭ.
Padčas vučeńniaŭ taksama adpracujuć abaronu marskich šlachoŭ praz Bałtyjskaje mora.
«Finlandyja i krainy Bałtyi amal na 100% zaležać ad marskich šlachoŭ zabieśpiačeńnia praz Bałtyjskaje mora. Kali Suvałkski kalidor budzie zabłakavany — a heta možna zrabić lohka, pakolki jość tolki dźvie aŭtamabilnyja darohi i adna čyhunačnaja linija — tady nam zastanucca tolki marskija šlachi, i mienavita praź ich nam daviadziecca prakładvać sabie darohu», — skazaŭ Kaak.
Paviedamlajecca, što heta buduć pieršyja vučeńni takoha maštabu, jakimi niamiecki fłot budzie kiravać sa svajoj novaj marskoj štab-kvatery ŭ horadzie Rostak.
Ciapier čytajuć
Juraś Ziankovič raskazaŭ pra svajo vyzvaleńnie i šlach u ZŠA5
Kamientary